Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda býlaný alańynda kúkirtsýtegi normadan asyp ketti

2021 jyldyń 19 qyrkúıek 2021 21:24

ATYRAÝ. QazAqparat – Atyraýda «Týhlaıa balka» býlandyrý sý qoımasynda kúkirtsýtegi ıngredıenti shekti ruqsat etilgen normadan asqany tirkeldi, dep habarlaıdy QazAqparat.

Oblystyq ekologııa departamenti baspasóz qyzmetiniń málimetinshe, qyrkúıektiń alǵashqy kúnderinde jaǵymsyz ıistiń jıilep ketýine baılanysty «Atyraý munaı óńdeý zaýyty» JShS-nyń basshylyǵyna aýaǵa monıtorıng júrgizý usynylǵan.

«Osyǵan baılanysty 17 qyrkúıekke qaraǵan túnde Atyraý qalasynda atmosferalyq aýanyń sapasyn zertteý maqsatynda «AMÓZ» JShS-nyń uıymdastyrýymen «Týhlaıa balka» býlaný alańynyń sanıtarlyq-qorǵaý aýmaǵynan tys jerlerden aýadan synama alyndy. Synamalardy alý barysyn oblystyq ekologııa departamenti, Atyraý qalasynyń sanıtarlyq-epıdemıologııalyq baqylaý basqarmasy, «AMÓZ» JShS, «Qazgıdromet» RMK-nyń óńirlik fılıaly men ekologııa belsendileri, sondaı-aq, ózge de zerthanalyq taldaý júrgizetin mekemelerdiń ókilderi baqylady. Iistiń shyǵatyn ýaqyty túngi jáne tańǵy mezgil bolǵandyqtan, baqylaý túngi saǵat 2:00-den tańǵy saǵat 5:00-ge deıin júrgizildi. Zertteý nátıjesinde «Týhlaıa balka» sý býlaný alańynda kúkirtsýtegi ıngredıentiniń shekti ruqsat etilgen normadan asý deregi tirkeldi», - dep habarlady departamenttiń baspasóz qyzmeti.

Endi departament mamandary «AMÓZ» JShS-ǵa jospardan tys tekserý júrgizýdi josparlap otyr. Sol kezde kúkirtsýtegi ıngredıentiniń normadan asqany eskerilmek.

Eske sala ketelik, budan buryn Atyraý munaı óńdeý zaýytynyń qondyrǵysynan tútin shyqqanyn habarlaǵan bolatynbyz.

Avtor Bek Mustafa
Basty sózder: Ekologııa, Atyraý oblysy,
Joǵary qaraı