Aýa raıy
Astana 31 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Atyraýda dári-dármek baǵasyn qymbattatqan

2020 jyldyń 10 shilde 2020 02:08

ATYRAÝ. QazAqparat – Atyraýda monıtorıngtik top dári-dármek baǵasyn qymbattatqan dárihanalardy anyqtady, dep habarlaıdy QazAqparat.

Óńirlik kommýnıkatsııalar qyzmetiniń málimetine qaraǵanda, sybaılas jemqorlyqqa

qarsy qyzmet, «Adaldyq alańy» jobalyq keńsesi, farmatsevtıkalyq baqylaý jáne Atyraý qalalyq ákimdiginiń qyzmetkerlerinen quralǵan monıtorıngtik top birneshe dárihanaǵa tekseris jumystaryn júrgizgen. Buǵan turǵyndardyń Atyraý qalasyndaǵy 15 dárihana qatysty aıtqan shaǵymdary negiz bolǵan.

«Máselen, «Baızar» saýda oıyn-saýyq ortalyǵyndaǵy «Zelenaıa» dárihanasynda baǵany

kóterý faktisi anyqtalyp otyr. Munda «Kanefronnyń» bir danasyn 335 teńgege,

«Flemoksın Solıýtab» preparatynyń baǵasyn 152 teńgege ósirgen. Al, «Na Gýrevskoı»

dárihanasy «Tsefazolın» dárisiniń baǵasyn 18 teńgege qymbattatqan.

Monıtorıng nátıjesi tıisti shara qabyldaý úshin farmatsevtıkalyq baqylaýǵa jiberiledi.

Turǵyndardan dári-dármek baǵasynyń qymbattaýyna baılanysty faktiler anyqtalsa, habar berýin suraımyz. Dári-dármek baǵasyn shekten tys kótergeni úshin dárihanalar basshylyǵy QR Ákimshilik quqyq buzýshylyq týraly Kodeksiniń 426-babyna sáıkes

ákimshilik jaýapkershilikke tartylady. Olarǵa

70-ten 1000 AEK kóleminde aıyppul salynýy múmkin», - dedi Atyraý qalasy ákiminiń

orynbasary Samat Embergen.

Onyń aıtýynsha, turǵyndar dárihanalardaǵy dári-dármek baǵasynyń negizsiz ósýi

boıynsha 8 (7122) 35 42 10 baılanys nómirine habarlasyp, shaǵym túsire alady. Eger

dári-dármek baǵasy týraly kúmán týyndasa, olardyń negizgi shekti bólshek saýda qunyn

DARI.KZ qosymshasy, ndda.kz saıty nemese QR Densaýlyq saqtaý mınıstriniń bekitilgen

buıryǵy (adilet.zan.kz) arqyly tekserýge múmkindigi bar.

Eske sala ketelik, buǵan deıin oblys ákimi Mahambet Dosmuhambetov dári-dármektiń

baǵasy qatań baqylatynyn aıtqan bolatyn. Baqylaý barysynda «Verdant» dep atalatyn

kosmetologııalyq kabınettiń zańsyz áreketi áshkerelendi. Atalǵan keńse elimizde

tirkelmegen farmatsevtıkalyq ónimderdiń júzden astam túrin lıtsenzııasyz satyp kelgen.



Joǵary qaraı