Aýa raıy
Astana -11 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda daryndy oqýshylardy qoldaıtyn ortalyq ashyldy

2020 jyldyń 24 qazan 2020 08:38

ATYRAÝ. QazAqparat – Atyraýda oblystyq bilim basqarmasy janynan «Talanttardy anyqtaý jáne qoldaý ortalyǵy» jumys isteı bastady, dep habarlaıdy QazAqparat.

Oblystyq bilim basqarmasynyń basshysy Satqan Esenǵalıevtiń aıtýynsha, bul ortalyq daryndy oqýshylarǵa qoldaý bildirý maqsatynda ashylǵan.

«Ortalyqta oqýshylar qabiletine qaraı sheberligin shyńdaýǵa tolyq múmkindik bar. Maqsat – daryndy balalarǵa qolaıly jaǵdaı jasaý. Mamandar osy baǵytta jumys istep, eldi eleń etkizer nátıje kórsetetinine senimimiz mol» - deıdi basqarma basshysy Satqan Esenǵalıev.

Onyń aıtýynsha, buǵan deıin mundaı qurylym ádistemelik ortalyqta ashylǵan «Daryn» bólimi retinde jumys istegen.

Endi jańa ortalyqta daryndy balalarmen jumysty josparlaý, talanttylardy anyqtap, olardy pedagogıkalyq-psıhologııalyq turǵydan súıemeldeý syndy qyzmet túrleri júzege asyrylady.

Sondaı-aq, jalpy bilim pánderinen respýblıkalyq, halyqaralyq deńgeıdegi zııatkerlik is-sharalar uıymdastyrylmaq.

Eske sala ketelik, budan buryn atyraýlyq oqýshy aloe ósimdiginen sýsabyn men ıogýrt jasap shyǵarǵanyn jazǵan edik.


Avtor Bek Mustafa
Basty sózder: Bilim, Atyraý oblysy,
Joǵary qaraı