Aýa raıy
Astana -13 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda densaýlyq mekemesine jyljymaly PTR-zerthana berildi

2020 jyldyń 27 qazan 2020 06:37

ATYRAÝ. QazAqparat –Atyraý oblystyq Obaǵa qarsy kúres stantsııasyna jyljymaly zerthana berildi. Onda táýligine 500 adam PTR-synama tapsyra alady, dep habarlaıdy QazAqparat.

M.Aıqymbaev atyndaǵy asa qaýipti ınfektsııalar ulttyq ǵylymı ortalyǵynyń zerthana meńgerýshisi Zııat Ábdeldiń aıtýynsha, mundaı mobıldi zerthana bakterııalyq, ınfektsııalyq zertteýlerdi jedel anyqtaýǵa jol ashady.

«KamAZ» kóligine ornatylǵan sońǵy úlgidegi zerthanany aýdandarǵa da aparýǵa bolady. Óıtkeni, Eýro-5 standartyna jatatyn zerthanasy bar kólik qumdy, taý-tasty jolmen júre alady. Jyljymaly zerthanany alys eldi mekende, dalada asa qaýipti ınfektsııalarǵa, derbes jáne ınfektsııalyq aýrý oshaǵynda medıtsınalyq mekeme janyndaǵy issaparǵa jiberilgen statsıonarlyq saraptama orny retinde paıdalanýǵa bolady», - deıdi Zııat Ábdel.





Onyń aıtýynsha, PTR-zerthana bakterıologııalyq, serologııalyq, ımmýnofermenttik taldaý júrgizý jıyntyǵymen, kólik ishinde jeldetý, qorǵanysh quraldarymen jabdyqtalǵan. Onda dáriger men zerthanashylardyń qaýipsiz júmysy úshin barlyq jaǵdaı jasalǵan.

Eske sala ketelik, budan buryn Atyraý oblysynyń bes aýdanyna jyljymaly zerthana berilgenin jazǵan bolatynbyz.





Joǵary qaraı