Aýa raıy
Astana 6 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda eki kólikpen soqtyǵysqan traktor aýdarylyp qaldy

2020 jyldyń 25 qyrkúıek 2020 18:38

ATYRAÝ. QazAqparat –Atyraýda eki kólikpen soqtyǵysqan traktor aýdarylyp qaldy, dep habarlaıdy QazAqparat.

Oblystyq polıtsııa departamenti baspasóz qyzmetiniń aqparatyna qaraǵanda, oqys oqıǵa búgin, 25 qyrkúıek saǵat 13:30 shamasynda Atyraý qalasyndaǵy «Turǵyn úı qalashyǵy» yqshamaýdanynda bolǵan.

«M. Áýezov kóshesi boıymen kópirge baǵyt alǵan traktor júrgizýshisi №3 úı tusynda jol jıegindegi temir qorshaýdy qaqqan. Soqqynyń ekpinimen qatarlas kele jatqan Nissan Teana avtokóligine soǵylyp, basqarý júıesin ıgere almaı, joldyń qarama-qarsy baǵytyna shyǵyp ketken. Sonyń saldarynan qarsy baǵytta kele jatqan Vaz 2114 kóligine soqtyǵysyp, jol jıegine aýdarylyp qaldy», -dep habarlady departamenttiń baspasóz qyzmeti.

Jol-kólik oqıǵasynan jaraqat alǵandar joq. Qazir saraptama taǵaıyndalyp, jol apaty týraly is qujattary jınaqtalýda.

Eske sala ketelik, budan buryn Atyraýda 8 aıda jol apatynan 39 adam mert bolǵanyn habarlaǵan edik.



Avtor Bek Mustafa
Basty sózder: Oqıǵa, Kólik, Jol, Atyraý oblysy,
Joǵary qaraı