Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda Elbasynyń bastamasymen salynǵan ońaltý ortalyǵynda 750 bala kómek aldy

2021 jyldyń 8 jeltoqsan 2021 02:02

ATYRAÝ. QazAqparat – Atyraýda jyl basynan beri 750 erekshe bala «Qamqorlyq» ortalyǵynda ońaltýdan ótti, dep habarlaıdy QazAqparat.

«Qamqorlyq» ońaltý ortalyǵynyń meńgerýshisi Gúlnár Mıramovanyń aıtýynsha, erekshe balalardy ońaltýǵa arnalǵan ortalyq Tuńǵysh Prezıdent-Elbasy Nursultan Nazarbaevtyń bastamasymen, Elbasy qorynyń qoldaýymen ashylǵan.

«Bizdiń ortalyq jumysyn bıylǵy 5 qańtarda oblystyq balalar aýrýhanasynyń janynan bastaǵan edi. Ǵımarat zamanaýı medıtsınalyq qural-jabdyqtarmen jabdyqtaldy. Erekshe balalarǵa arnaıy kýrstan ótken 21 maman medıtsınalyq ońaltýdyń 2-3 kezeńi boıynsha kómek kórsetip keledi. Qazir ońaltý ortalyǵy bir mezgilde 1 jastan 18 jasqa deıingi 50-ge jýyq balany táýlik boıy, sondaı-aq kúndizgi statsıonarǵa qabyldaıdy. Ońaltý kýrsynyń merzimi – 21 kún. Jyl basynan beri 750-den astam erekshe bala ońaltý kýrsynan ótti. Ortalyqta nevrologııa, kardıologııa, travmoortopedııa jáne neırohırýrgııa boıynsha ońaltý júrgiziledi. Sondyqtan, erekshe balalarǵa bilikti medıtsınalyq kómek alý úshin oblystan tys jerlerge barýdyń qajeti joq», - deıdi Gúlnár Mıramova.

Eske sala ketelik, budan buryn Atyraýda balalardy ońaltý ortalyǵy ashylǵany habarlanǵan edi.








Joǵary qaraı