Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda elordalyq dárigerler 5 balaǵa ota jasap, 300-ge jýyq keńes berdi

2021 jyldyń 15 qazan 2021 09:21

ATYRAÝ. QazAqparat – Atyraýda elordalyq dárigerler 5 balaǵa ota jasap 300-ge jýyq keńes berdi, dep habarlaıdy QazAqparat.

Oblystyq densaýlyq saqtaý basqarmasynyń basshysy Ashan Baıdýálıevtyń aıtýynsha, «Ana men bala» ulttyq ǵylymı ortalyǵynyń 12 dárigeri Atyraýǵa úsh kúndik jumys saparymen kelgen. Elordalyq dárigerler quramynda neonatologtar, akýsher-gınekologtar, kardıologtar, nevrologtar sekildi mamandar bar.

«Dárigerler úsh kúnde oblystyq balalar aýrýhanasynda, oblystyq perınataldyq ortalyqta, qalalyq perzenthanada, oblystyq aýrýhana men oblystyq kardıologııa ortalyǵynda 300-ge jýyq keńes berdi. Naýqas balalarǵa 5 ota jasady. Taǵy 15 bala ota jasatýǵa joldama aldy. Oblystyq balalar aýrýhanasynyń bazasynda kardıologııalyq syrqatqa shaldyqqan 22 naýqas qaraldy. Tekserý nátıjesimen 6 patsıentti ulttyq kardıologııa ortalyǵyna emdelýge jiberý josparlanyp otyr. Onyń bireýine ota, al, 5-eýine jedel em alý qajet. Sondaı-aq, 3 patsıent ambýlatorlyq tekserýge shaqyryldy. Al, 1 naýqas shuǵyl túrde oblystyq balalar aýrýhanasyna jatqyzyldy» - deıdi Ashan Baıdýálıev.

Eske sala ketelik, buǵan deıin Atyraýda elordalyq bilikti dárigerler bes balaǵa ota jasaǵanyn habarlaǵan edik.











Avtor Bek Mustafa
Basty sózder: Atyraý oblysy, Medıtsına,
Joǵary qaraı