Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda emhanadan órt shyǵyp 45 adam evakýatsııalandy

2021 jyldyń 26 qarasha 2021 18:04

ATYRAÝ. QazAqparat – Atyraýda emhanadan órt shyǵyp, 45 adam evakýatsııalandy, dep habarlaıdy QazAqparat.

Oblystyq tótenshe jaǵdaılar departamenti baspasóz qyzmetiniń málimetinshe, emhana búgin, 26 qarashada órtengen.

«Tótenshe jaǵdaılar departamentiniń dıspetcherlik pýltine saǵat 12:34-te Atyraý qalasynyń «Almagúl» shaǵyn aýdanyndaǵy №7 emhananyń ǵımaratynda tútin shyqqany týraly habar tústi. Oqıǵa ornyna jetken órt sóndirýshiler emhananyń 3-qabatyndaǵy

terapııa bólimi meńgerýshisiniń kabınetinde derbes kompıýterdiń janǵanyn anyqtady.

Emhana ǵımaratynan 45 adam, onyń 6 bala qaýipsiz jerge evakýatsııalandy. Órt elektr jelisiniń qysqa tuıyqtalýynan shyqqan», - dep habarlady departamenttiń baspasóz qyzmeti.

Jalyn saǵat 12:45-te aýyzdyqtalyp, saǵat 12:49-da tolyq joıyldy. Órtti sóndirýge departamenttiń 20 qyzmetkeri men 6 tehnıkasy, apattyq medıtsına ortalyǵynan 3 qyzmetker men 1 tehnıka jumyldyryldy.

Eske sala ketelik, budan buryn Atyraý oblysynda jeke sektordaǵy órt eki ese kóbeıgenin

habarlaǵan bolatynbyz.


Joǵary qaraı