Aýa raıy
Astana -7 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda qabaǵan ıt talaǵan balanyń jaǵdaıy qalaı

2020 jyldyń 20 qarasha 2020 14:20

ATYRAÝ. QazAqparat – Atyraýda qabaǵan ıt talaǵan eki jasar bala aýrýhanada em alyp jatyr. Dárigerler balanyń jaǵdaıy ortasha deńgeıde ekenin aıtty, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetine súıensek, 18 qarashada saǵat 16:51-de «102» pýltine «Juldyz-2» shaǵyn aýdanynyń turǵyny kishkentaı balany ıt talap ketkenin habarlaǵan.

«Oqıǵa ornyna dereý jetken polıtsııa qyzmetkerleri eki jasar balanyń basy men qoly jaralanǵanyn anyqtady. Kishkentaı búldirshin oblystyq balalar aýrýhanasyna jetkizildi. Balany tistegen ıtke izdeý salynyp, sol shaǵyn aýdandaǵy óndiristik bazalardyń biriniń aýmaǵynan ustaldy. Ittiń ıesi Atyraý qalasynyń 35 jastaǵy turǵyny bolyp shyqty. Oǵan qatysty QR Ákimshilik quqyqbuzýshylyq týraly Kodekstiń 408-babynyń 2-bóligi (Aýyl sharýashylyǵy janýarlaryn jaıý erejelerin, ıtter men mysyqtardy asyraý jáne serýendetý erejelerin, qańǵybas ıtter men mysyqtardy aýlaý jáne joıý erejelerin buzý) ákimshilik hattama toltyryldy», - dep habarlady departamenttiń baspasóz qyzmeti.

Oblystyq balalar aýrýhanasynyń dáriger-travmatology Jaqsylyq Maǵzomovtyń aıtýynsha, jaraqat alǵan bala em alyp jatyr. Qasynda anasy bar.

«Sársenbi kúni aýrýhanaǵa jetkizilgen balaǵa alǵashqy medıtsınalyq kómek kórsetildi. It tistegennen qalǵan jaraǵa hırýrgııalyq óńdeý jasaldy. Bala basy men qolynan ortasha deńgeıde jaraqat alǵan. Qazir bala travmatologııa bóliminde jan-jaqty em alyp jatyr», - dedi dáriger-travmatolog Jaqsylyq Maǵzomov.

Eske sala ketelik, budan buryn Atyraýda bir aptada 9 balany ıt qapqanyn habarlap edik.


Avtor Bek Mustafa
Basty sózder: Atyraý oblysy, Oqıǵa, Medıtsına,
Joǵary qaraı