Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraýda keler jyly 112 biryńǵaı dıspetcherlik qyzmeti iske qosylady

2022 jyldyń 12 mamyr 2022 22:59

ATYRAÝ. QazAqparat – Atyraý turǵyndary shuǵyl kómekti 112 biryńǵaı dıspetcherlik nómirinen alatyn boldy, dep habarlaıdy QazAqparat.

Oblys ákimdiginiń baspasóz qyzmetinen málim etkendeı, «Komek-112» aqparattyq júıesine jedel áreket etetin qyzmetter qosylǵan. Onyń ishinde jedel járdem stansalary, polıtsııa bólimsheleri men ózge de qyzmetter bar.

Turǵyndardan túsken shaqyrtýǵa baılanysty jedel qyzmet kórsetetin ekıpajdardyń kólikterine GPS jabdyqtary ornatylǵan. Jedel kómekke qatysty barlyq aqparat atalǵan júıeniń sandyq kartasy arqyly baqylanady.

«Óńir turǵyndary 2023 jyldan bastap shuǵyl medıtsınalyq, qaýipsizdik jáne ózge de kómekterdi 112 nómiri arqyly alýyna múmkindik týady. Qazir 103 baılanys nómirine jedel qyzmetter boıynsha qońyraýlardyń 70 paıyzy túsedi. Mundaǵy qyzmetkerler jumys kúnderi 800, demalys kúnderi 900-950 qońyraý qabyldaıdy», - dep habarlady ákimdiktiń baspasóz qyzmeti.

Sońǵy eki jylda oblystyq medıtsınalyq jedel járdem stansasy 66 kólikpen qamtylǵan. Jedel járdem kólikteriniń 46-sy 2020 jyly satyp alynǵan. Al, byltyr jedel járem stansasy «QDB – lızıng» júıesi arqyly jańa 20 kólikpen tolyqqan. Ótken jyly satyp alynǵan kólikterdiń 3-eýi aýdandarǵa, osyndaı 17 kólik Atyraý qalasyndaǵy jedel járdem stansasyna berildi.

Eske sala ketelik, budan buryn Atyraýda jedel járdem kólikteri 100 paıyz jańarǵanyn jazǵan edik.


Joǵary qaraı