Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda kógershinder kórmesi ótti

2021 jyldyń 29 qarasha 2021 07:46

ATYRAÝ. QazAqparat – Atyraýda kógershinder kórmesi ótti. Oǵan Atyraý, Aqtóbe men Qyzylorda oblysynan 150-den astam kógershin asyraýshylar jınaldy, dep habarlaıdy QazAqparat.

Oblystyq kógershin ósirýshiler federatsııasy uıymdastyrǵan kórme «Munaıshy» dene shynyqtyrý-saýyqtyrý kesheninde ótti.

Kógershin ósirýdi hobbıi sanaıtynnyń biri – Talap Jarylǵasynov. Qursaı eldi mekeninde turatyn 56 jastaǵy azamat kógershin ósirýdi oqýshy kezinda bastaǵan.

«Áli kúnge deıin ósiremin, senesiz be? Budan eshqandaı paıda tappaımyn. Jan rahaty ósiremin. Qazir meniń 50-den astam kógershinim bar. Bul kórmege uldarymdy erte keldim. Bolashaqta olardyń kógershin ósirýmen aınalysqanyn qalaımyn. Kórmege nemis, cheh kógershinderin ákeldik. Meniń kógershinderim 2019 jyly osyndaı kórmede birinshi oryn alǵan edi» -deıdi Talap Jarylǵasynov.

Atyraýlyqtar kórmege ákelingen túrli-tústi kógershindermen sýretke túsýge múmkindik aldy. Solardyń qatarynda Alekseı Handokın de bar.

«Meniń jasym – 73-te. Kógershin ósirýshiler áýletinen shyqqanmyn. Ózim de kógershin ósiremin. Kógershinderimdi serýenge alyp shyǵyp, áýede bılegenin qyzyqtap otyramyn. Biraq, bul kórmege qustarymdy ákelmedim. Kórmege kógershinderdi kórý úshin keldim» -deıdi A.Handokın.

Oblystyq kógershin ósirýshiler federatsııasynyń prezıdenti Jánibek Qalekenovtiń ózi 60-qa jýyq kógershin ósiredi eken. Onyń aıtýynsha, kórmege 150-den astam adam kógershin ákelgen.

«Biz Qazaqstan men Reseıdiń kógershin ósirýshileri úshin kórme ótkiziletinin habarlaǵan edik. Bizdiń kórmege Aqtóbe men Qyzylorda oblysynyń Qazaly aýdanynan kógershin ósirýshiler qatysyp otyr. Biraq, reseılikter kele almady. Oǵan koronavırýs ınfektsııasynyń órshýi áser etip otyr. Endi aldaǵy naýryz aıynda taǵy bir kórme ótkizemiz dep úmittenemiz» -deıdi Jánibek Qalekenov.

Onyń aıtýynsha, Atyraýda kógershin ósirýshiler sany artyp keledi. «Bizdiń izbasarlarymyz bar» - dep kúledi J.Qalekenov.

Kórmeniń sońynda sporttyq kógershinder jarysy ótti. Onyń qorytyndysymen kógershin ósirýshiler estelik syılyqtarmen marapattaldy.

Avtor Bek Mustafa
Basty sózder: Ekologııa, Atyraý oblysy, Qoǵam,
Joǵary qaraı