Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda kópbalaly ana altynshy perzentin modýldik aýrýhanada bosandy

2021 jyldyń 17 qyrkúıek 2021 16:31

ATYRAÝ. QazAqparat – Atyraýda kópbalaly ana altynshy perzentin modýldik aýrýhanada bosandy, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, kópbalaly Zúlfııa Imanqulova júktiliktiń 39-aptasynda modýldi aýrýhanaǵa túsken.

«Qulsary qalasyndaǵy aýrýhanada 27 tamyzda PTR-test tapsyrdym. Onyń qorytyndysy oń nátıje kórsetti. Dárigerler ókpemdi kompıýterlik tomografııaǵa túsirdi. Ókpemniń 19 paıyzy zaqymdanǵanyn bildim. Al, 28 tamyzda modýldik aýrýhanaǵa jatqyzdy.

Bastapqyda aǵzamda álsireý, dem jetpeý baıqaldy. Keıin jansaqtaý bólimine aýystyrdy.

Sol jerde sábıimdi aman-esen bosandym. Qazir jaǵdaıym jaqsardy. Sábıim de aman-saý»,- deıdi Zúlfııa Imanqulova.

Naýqastyń emdeýshi dárigeri Sholpan Kenjebaıqyzynyń aıtýynsha, naýqas 4 qyrkúıekte bosanǵan.

«Jańa týǵan nárestede koronavırýs ınfektsııasy anyqtalǵan joq. Alǵashqy kúnderi bala anasynyń qasynda boldy. Alaıda, naýqastyń balasyna kútim jasaýǵa jaǵdaıy

kelmegendikten, sábı úıine jiberildi. Kópbalaly anaǵa tıisti em-sharalar júrgizilip jatyr. Qazir jaǵdaı turaqtandy», -dep málim etti dáriger Sholpan Kenjebaıuly.

Eske sala ketelik, budan buryn Atyraýda modýldik aýrýhanada 88 sábı dúnıege kelgenin

jazǵan edik.


Joǵary qaraı