Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda koronavırýs juqtyrǵandar rezervtegi jataqhanaǵa ornalastyrylyp jatyr

2021 jyldyń 26 shilde 2021 17:33

ATYRAÝ. QazAqparat – Atyraýda koronavırýs ınfektsııasyn juqtyrǵandar rezervtegi jataqhanaǵa ornalastyrylyp jatyr, dep habarlaıdy QazAqparat.

Atyraý oblystyq densaýlyq saqtaý basqarmasynyń baspasóz qyzmetinen málim etkendeı, keshe koronavırýs ınfektsııasyna shaldyqqan 420 naýqas anyqtalǵan.

Onyń ishinde Atyraý qalasynda qaýipti vırýsty juqtyrýdyń 268 jaǵdaıy rastalǵan. Teńiz ken ornynda 39, Jylyoı aýdanynda 50, Qyzylqoǵada – 17, Qurmanǵazyda – 14, Inderde – 12, Isataıda – 9, Maqatta – 6, Mahambet aýdanynda 5 adamnan koronavırýs belgisi tabylǵan.

«Qazir 3 443 adam úı jaǵdaıynda emdelýge oqshaýlandy. Aýdandardaǵy ınfektsııalyq statsıonarlarda 361, Teńiz ken ornyndaǵy statsıonarda 218, al, №2 oblystyq aýrýhanada 205, modýldik aýrýhanada 196, temir jol aýrýhanasynda 109, kardologııalyq ortalyqta 103, ftızıopýlmonologııa ortalyǵynda 98 naýqas emdelip jatyr. Sondaı-aq, rezervtegi jataqhanaǵa 17 patsıent ornalastyryldy», - dep habarlady basqarmanyń baspasóz qyzmeti.

Eske sala ketelik, Atyraý oblysynda koronavırýs juqtyrǵandar sany kóbeıdi.


Joǵary qaraı