Aýa raıy
Astana -3 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda qos eldiń pasportymen júrgen taǵy bir adam anyqtaldy

2020 jyldyń 20 qarasha 2020 22:16

ATYRAÝ. QazAqparat – Atyraý oblysynda qos azamattyqpen júrgen taǵy bir adam anyqtaldy, dep habarlaıdy QazAqparat.

Qurmanǵazy aýdanynyń polıtsııa qyzmetkerleri kórshiles Reseıden kelgen «qonaqtyń» qos memlekettiń azamattyǵymen júrgenin áshkereledi.

«Burynǵy atyraýlyq 1999 jyly otbasylyq jaǵdaıyna baılanysty Reseı Federatsııasyna kóship ketken. Ol 2000 jyly sol eldiń azamattyǵyn qabyldaǵan. Biraq, bul týraly tıisti oryndarǵa habarlamaǵan» dep málim etti oblystyq polıtsııa departamentiniń baspasóz qyzmetinen.

Qazaqstan Respýblıkasy men Reseı Federatsııasynyń tólqujatymen júrgen bul azamatqa qatysty QR Ákimshilik quqyq buzý kodeksiniń 496-babynyń 2-bóligimen ákimshilik hattama toltyryldy.

Jınaqtalǵan qujattar Qurmanǵazy aýdandyq sotyna joldanyp, bul azamatqa 200 aılyq eseptik kórsetkish mólsherinde aıyppul salyndy.

Eske sala ketelik, budan buryn Atyraýda qos azamattyqpen júrgen áıelge aıyppul salynǵanyn habarlaǵan edik.


Avtor Bek Mustafa
Basty sózder: Atyraý oblysy, Oqıǵa, Zań, Reseı,
Joǵary qaraı