Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda Qurmanǵazy aýdanyna poıyz shyǵarý úshin ashyq konkýrs jarııalandy

2021 jyldyń 20 shilde 2021 13:15

ATYRAÝ. QazAqparat – Atyraýda Qurmanǵazy aýdanyna jolaýshylar poıyzyn shyǵarý úshin ashyq konkýrs jarııalandy, dep habarlaıdy QazAqparat.

Atyraý oblysynyń ákimdigi Qurmanǵazy aýdany turǵyndarynyń ótinishine qoldaý bildirip otyr. Qazir jolaýshylar poıyzyn iske qosý máselesi talqylanyp jatyr.

«Oblys ákimi Mahambet Dosmuhambetov bul problemany únemi baqylaýynda ustap, jyldamdatyp sheshýdi tapsyrǵan bolatyn. Oblystyq máslıhat bul baǵytta poıyz júrgizýdi áleýmettik mańyzy bar is-shara retinde qoldady» -dep aqparat taratty oblys ákiminiń baspasóz hatshysy Erjan Tólek.

Onyń aıtýynsha, oblystyq jolaýshylar kóligi jáne avtomobıl joldary basqarmasy 13 shildede «Atyraý-Aqqystaý-Qurmanǵazy-D.Nurpeıisova» baǵytynda temirjol kóligi arqyly jolaýshylar tasymalyn uıymdastyrý úshin ashyq konkýrs jarııalanǵan.

«Konkýrsqa qatysyp, tasymaldaýshy bolǵysy keletin 5 mekemeniń qujattary qabyldandy. Qoldanystaǵy zańdarǵa saı, konkýrstyq komıssııanyń otyrysy ótip, jeńimpaz anyqtalyp, hattama toltyrylady. Sodan keıin basqarma men merdiger mekeme arasynda kelisimshart jasalady», -deıdi Erjan Tólek.

Eske sala ketelik, budan buryn Atyraý men Qurmanǵazy aýdany aralyǵynda poıyz qatynaýy múmkin ekeni habarlanǵan bolatyn.


Avtor Bek Mustafa
Basty sózder: Atyraý oblysy, Qoǵam, Kólik,
Joǵary qaraı