Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda lıft shahtasyna qulap, aýrýhanaǵa túsken jigittiń jaǵdaıy aýyr

2021 jyldyń 5 tamyz 2021 14:38

ATYRAÝ. QazAqparat – Atyraýda lıft shahtasyna qulap aýrýhanaǵa túsken jigittiń jaǵdaıy aýyr, dep habarlaıdy QazAqparat.

Keshe saǵat 10:00 shamasynda Atyraýda kópqabatty úıde lıft qulap, bir adam mert bolǵan edi.

Turǵyn úıdegi lıftini bólshekteý kezinde eki qyzmetker lıft shahtasyna qulap ketken.

Oqıǵa ornynda 40 jastaǵy adam kóz jumdy.

Keıinnen lıftiniń 15-qabattan qulaǵany anyqtaldy.

Oblystyq densaýlyq saqtaý basqarmasy baspasóz qyzmetiniń málimetinshe, 1987 jyly týǵan jigit kóptegen jaraqatpen aýrýhanaǵa túsken.

«Keshe oblystyq aýrýhanaǵa jatqyzylǵan 34 jastaǵy jigitke ota jasaldy. Qazir onyń jaǵdaıy turaqty aýyr dep baǵalanyp otyr. Ol aýrýhananyń jansaqtaý bóliminde jatyr. Ony dárigerler turaqty baqylaýyna aldy», -dep habarlady basqarmanyń baspasóz qyzmetinen.


Avtor Bek Mustafa
Basty sózder: Oqıǵa, Atyraý oblysy,
Joǵary qaraı