Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda mas kólik júrgizgen 558 júrgizýshi jazalandy

2021 jyldyń 18 qańtar 2021 05:20

ATYRAÝ. QazAqparat –Atyraý oblysynda byltyr mas kúıdegi 558 júrgizýshi jazalandy, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetine súıensek, mas júrgizýshilerdiń arasynda 11 áıel bar.

«Mas kúıde rýlge otyrǵan júrgizýshiniń bári QR Ákimshilik quqyqbuzýshylyq týraly Kodeksiniń 608-babymen ákimshilik jaýapkershilikke tartyldy. Sot sheshimimen olar 15-20 táýliktik ákimshilik qamaýǵa alynyp, 7 jyl merzimge kólik júrgizý quqyǵynan aıyryldy. Buryn kólik júrgizý quqyǵynan aıyrylǵanmen, mas kúıinde qaıtadan rýlge otyrǵan 57 júrgizýshige qatysty QR Qylmystyq Kodeksiniń 346-babymen qylmystyq is qozǵaldy» -dep habarlady departamenttiń baspasóz qyzmeti.

Al, bıylǵy jyl basynan beri patrýldik polıtsııa qyzmetkerleri mas kúıinde kólik basqarǵan 18 júrgizýshi jaýapkershilikke tartqan. Onyń ishinde «Toyota Land Cruiser» markaly avtokóligin basqarǵan 31 jastaǵy júrgizýshisi de bar. Onyń mas ekeni medıtsınalyq kýálandyrýdyń qorytyndysymen anyqtalǵan. Mas júrgizýshi sot sheshimimen 15 táýlikke qamaýǵa alynyp, 7 jyl merzimge júrgizýshi quqyǵynan aıyryldy.

Eske sala ketelik, budan buryn Atyraýda 16 jasar bozbala nómiri jasyrylǵan kólikti júrgizgenin habarlaǵan bolatynbyz.



Avtor Bek Mustafa
Basty sózder: Kólik, Qoǵam, Atyraý oblysy,
Joǵary qaraı