Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraýda mas kúıde rýlge otyrǵan 30-ǵa jýyq júrgizýshi ustaldy

2022 jyldyń 19 qańtar 2022 01:50

ATYRAÝ. QazAqparat – Atyraýda jyl basynan beri 30-ǵa jýyq júrgizýshi mas kúıde rýlge otyrǵan, dep habarlaıdy QazAqparat.

Atyraý oblysynda jyl basynan beri mas kúıde kólik júrgizýshiler ákimshilik jaýapqa tartylǵan.

«Avtokólikti mas kúıde basqarǵan mas júrgizýshi qylmyskermen teń. Patrýldik polıtsııa qyzmetkerleri bıylǵy 1-18 qańtar aralyǵynda mas kúıde kólik júrgizgen 30-ǵa jýyq júrgizýshini ustady. Máselen, 4 qańtarda saǵat 03:20 shamasynda Atyraý qalasyna jaqyn ornalasqan Tomarly aýylynda «Nissan Teana» markaly avtokóligi toqtatyldy. Tekserý kezinde 1995 jylǵy júrgizýshiniń alkogoldik ishimdik iship, mas kúıde kólik basqarǵany anyqtaldy. Al, 11 qańtarda túngi saǵat 00:40 shamasynda shahardaǵy «Vokzal mańy» shaǵyn aýdanynan toqtalyǵan «VAZ – 21144» avtokóligin júrgizgen 32 jastaǵy júrgizýshiden ishimdiktiń ıisi baıqalǵan. Medıtsınalyq saraptamanyń korytyndysymen onyń jeńil dárejedegi mas ekeni dáleldendi», -dep habarlady departamenttiń baspasóz qyzmeti.

Kóliktiń rýline mas kúıde otyrǵan eki júrgizýshilerge qatysty QR Ákimshilik kodeksiniń 608-babynyń 1-bólimimen (Júrgizýshiniń kólik quralyn alkogoldik, esirtkilik jáne (nemese) ýytqumarlyq masań kúıde basqarýy, sol sııaqty kólik quralyn alkogoldik, esirtkilik jáne (nemese) ýytqumarlyq masań kúıdegi adamnyń basqarǵany úshin) ákimshilik hattama toltyrylǵan. Sot sheshimimen eki júrgizýshi 7 jylǵa kólik júrgizý quqyǵynan aıyrylyp, 15 táýlikke ákimshilik qamaýǵa alyndy.

Eske sala ketelik, budan buryn Atyraýda 18 jastaǵy júrgizýshiden myltyqqa uqsas qoldan jasalǵan qarý tárkilengen edi.

Avtor Bek Mustafa
Basty sózder: Atyraý oblysy, Kólik,
Joǵary qaraı