Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda nan baǵasy arzandady

2021 jyldyń 11 qarasha 2021 06:22

ATYRAÝ. QazAqparat – Atyraý qalasynda nan baǵasy arzandady, dep habarlaıdy QazAqparat.

Budan buryn Atyraýda nan qymbattaǵanyn jazǵan bolatynbyz.

Oblystyq aýyl sharýashylyǵy basqarmasy baspasóz qyzmetiniń málimetinshe, 1 qarashada áleýmettik mańyzy bar nannyń baǵasy «Daýlet nan» saýda núktelerinde 95 teńgege deıin ósken. Basqarma basshysy Amangeldi Salamat muny elektr energııasynyń, janar-jaǵar maı baǵasynyń qymbattaýymen baılanystyrǵan edi. Sol sebepten, naýbaıhanalar nan baǵasyn birte-birte ósirýge májbúr bolǵan.

«Atyraý qalasynda 10 qarashadan bastap «Dáýlet nan» saýda jelisiniń núktelerinde birinshi surypty nannyń quny burynǵy baǵaǵa deıin tómendetilip, 90 teńgeden satylýda. Buǵan oblys ákimdigi «Daýlet nan» saýda jelisine tıesili «Karat» JShS basshylyǵymen kelissózder júrgizý arqyly qol jetkizdi. Sondaı-aq, Atyraý qalasynyń aýmaǵynda ornalasqan sýpermaketterde atalǵan nannyń baǵasy kóterilmedi. Atap aıtqanda, «Lıder» jáne «Ideal» sýpermarketterinde birinshi surypty nan 82 teńge, «ıArmarka» men «Semıa» sýpermarketterinde 90 teńge, «Marko» sýpermarketinde 85 teńge, «Anvar» sýpermarketinde 95 teńgeden satylýda. «Atyraý» ÁKK» AQ arqyly baǵany turaqtandyrý jumystary turaqty júrgiziledi», - deıdi Amangeldi Salamat.

Onyń aıtýynsha, óńirge keler jylǵa qajetti 25 000 tonna bıdaı alý úshin Aýyl sharýashylyǵy mınıstrligine usynys berilgen.


Joǵary qaraı