Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda oblystyq basqarma basshysy 2 mln 917 myń teńge aıyppul tóleıdi

2021 jyldyń 16 sáýir 2021 14:49

ATYRAÝ. QazAqparat – Atyraý oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Serik Qamıdolla ómir boıy memlekettik qyzmette jáne kvazımemlekettik sektorda laýazymdardy atqarý quqyǵynan aıyrylyp, 2 mln 917 myń teńge aıyppul tóleıtin boldy, dep habarlaıdy QazAqparat.

Oblystyq sottyń baspasóz qyzmetiniń málimetinshe, sheneýnikke qatysty is №2 Atyraý qalalyq sotynda qaralǵan.

«15 sáýirde sot QR Qylmystyq Kodekstiń 361-babynyń 1-bóligi boıynsha Serik Qamıdollaǵa qatysty qylmystyq isti qarady. Tergeý barysynda ol aıyptaýmen tolyq kelisti. Sondyqtan sot protsesi jeńildetilgen rejımde ótti. Sottalýshy QR Qylmystyq Kodekstiń 65-babyn qoldana otyryp, ony qylmystyq jaýapkershilikten bosatýdy surady. Onyń alǵash ret aýyr emes sybaılas jemqorlyq qylmys jasaǵanyn eskere otyryp, sonymen qatar, úsh kámeletke tolmaǵan balasy, onyń ishinde múgedek balasy bar, jalǵyz asyraýshysy bolyp tabylatyny jáne isine shyn ókinýine baılanysty sot ony QR Qylmystyq Kodeksiniń 65-babyna sáıkes qylmystyq jaýaptylyqtan bosatýǵa bolady dep sanady. Bul rette ómir boıy memlekettik qyzmette jáne kvazımemlekettik sektorda laýazymdardy atqarý quqyǵynan aıyra otyryp, 1000 AEK (2 mln 917 myń teńge) mólsherinde aıyppul salyndy» -dep habarlady oblystyq sottyń baspasóz qyzmetinen.

Eske sala ketelik, budan buryn Atyraýda oblystyq basqarma basshysy qamaýǵa alynǵanyn habarlaǵan edik.


Joǵary qaraı