Atyraýda polıtseı adasqan balany ata-anasymen tabystyrdy

ATYRAÝ. QazAqparat –Atyraý oblysynyń Inder aýdanynda polıtsııa qyzmetkeri adasyp qalǵan balany ata-anasymen tabystyrdy, dep habarlaıdy QazAqparat.

Polıtsııa kapıtany Altynaı Izmuhanova Inderbor kentinde mektep janynda jylap júrgen 5-6 jastaǵy balany kórgen.

«Jylap júrgen balany Sh.Ýálıhanov atyndaǵy mekteptiń janynan baıqadym. Qasyna taıap baryp, ne bolǵanyn suradym. Aty – Shyńǵys. Úıinen alystap ketip, barar joldy tappaı qalǵan eken. Balaqaıdy jubatyp, polıtsııa bólimine alyp keldim. Sonan soń basshylarǵa habarladym», -deıdi Altynaı Izmuhanova.

Aýdandyq polıtsııa bóliminiń jeke quramy kishkentaı Shyńǵystyń ata-anasyn, mekenjaıyn anyqtaýǵa jumyldyryldy. Kóp uzamaı balaqaıdyń ata-anasynyń turǵylyqty jeri anyqtaldy. Polıtsııa kapıtany Altynaı Izmuhanova Shyńǵysty ata-anasymen tabystyrdy.

Al, balany ózderi izdep taba almaǵan ata-ana Shyńǵysty taýyp bergen polıtsııa qyzmetkerine alǵysyn aıtty.

Eske sala ketelik, budan buryn Atyraýda 4 kúnnen beri iz-túzsiz ketken 15 jastaǵy bozbala aman-esen tabylǵanyn jazǵan edik.