Aýa raıy
Astana -2 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda «Sergek» kameralary 2,5 myńnan astam quqyq buzý deregin tirkedi

2020 jyldyń 27 qyrkúıek 2020 08:45

ATYRAÝ. QazAqparat – Atyraý qalasynda «Sergek» vıdeobaqylaý júıesi 2 513 quqyq buzýshylyqty tirkedi, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetine súıensek, 10 qyrkúıekte iske qosylǵan «Sergek» vıdeobaqylaý sodan beri 2 513 quqyq buzýshylyqty tirkelgen. Salynǵan aıyppul somasy 35 mln 983 myń teńgeni quraǵan. Onyń 3 mln 533 myń teńgesi óndirilgen.

«Sergek» kameralary oblys ortalyǵyndaǵy 153 jelilik jol ýchaskede, 51 jol qıylysynda ornatyldy. Onyń ishinde 774 beınebaqylaý kamerasy bar. «Sergek» kameralary buryn ornatylǵan vıdeokameralarmen biriktirildi. Bul polıtseılerge joldyń júrý bóligin ǵana emes, qalalyq aýlalardy, sondaı-aq, basqa da qoǵamdyq oryndardy baqylaýǵa múmkindik berdi. Avtokólik ıeleri aıyppul týraly habarlamany «Qazposhta», sondaı-aq SMS-habarlama arqyly alady» deıdi oblystyq polıtsııa departamentiniń bastyǵy Qamza Úmbetqalıev.

Avtokólik ıeleri jalpy somanyń 50% mólsherinde ákimshilik aıyppul tóleýge quqy bar.

Aıyppul «Qazposhta» arqyly habarlama alǵannan keıin 7 táýlik ishinde tólenýi kerek. Merzim poshtashy habarlamany bergen sátten bastap esepteledi.

Eske sala ketelik, budan buryn Atyraýda nómirsiz júrgen 200-ge jýyq kólik anyqtalǵanyn habarlap edik.


Avtor Bek Mustafa
Basty sózder: Oqıǵa, Zań, Atyraý oblysy, Kólik,
Joǵary qaraı