Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda sheteldik boıjetkenniń 3 100 dollaryn urlaǵan kúdikti ustaldy

2021 jyldyń 15 maýsym 2021 15:00

ATYRAÝ. QazAqparat – Atyraýda sheteldik boıjetkenniń 3 100 dollaryn urlaǵan kúdikti ustaldy, dep habarlaıdy QazAqparat.

Oblystyq Polıtsııa departamentiniń bastyǵy, polıtsııa polkovnıgi Qamza Úmbetqalıevtyń málimetinshe, Atyraýda jyl basynan beri 78 páter urlyǵy tirkelgen. Bul – ótken jyldyń osy kezeńindegi kórsetkishten 33 paıyzǵa tómen. Atyraý qalasynda páter urlyǵyna qatysy bar 15 adam esepke alynǵan.

«Turǵyndardyń jeke múlikterin urlaý derekteri ásirese qala aýmaǵynda ornalasqan páterler men jeke menshik úılerdiń terezesin maıystyrý, kiltin úılestirý nemese esigin buzyp kirý arqyly oryn alyp otyr. Máselen, 11 maýsymda belgisiz adam Atyraý qalasynyń Vladımırskıı kóshesindegi páterlerdiń birine zańsyz kirip, Serra-Leone elinen kelgen 19 jastaǵy boıjetkenniń qara tústi sómkesinen jalpy quny 3 100 AQSh dollaryn (1 325 343 teńge) jasyryn jymqyryp, qashyp ketken. Jedel izdestirý kezinde Krımınaldyq polıtsııa bóliminiń qyzmetkerleri kúdikti anyqtap, ustady. Kúdiktiden aıǵaq zat tárkilenip, ýaqytsha ustaý ızolıatoryna qamaýǵa alyndy» - deıdi Qamza Úmbetqalıev.

Eske sala ketelik, budan buryn Atyraý oblysynda páter tonaǵan 8 kúdikti ustalǵanyn habarlaǵan edik.


Avtor Bek Mustafa
Basty sózder: Qylmyspen kúres, Atyraý oblysy,
Joǵary qaraı