Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraýda tún ortasynda balkonda turǵan 4 jasar bala qutqaryldy

2022 jyldyń 24 qańtar 2022 17:50

ATYRAÝ. QazAqparat – Atyraýda tún ortasynda balkonda turǵan 4 jasar bala qutqaryldy, dep habarlaıdy QazAqparat.

Atyraý qalalyq polıtsııa basqarmasynyń qyzmetkeri, polıtsııa aǵa leıtenanty Tımýr Balmaǵanbetov 24 qańtarda túngi saǵat 1:00 shamasynda balkonnan sekirgeli turǵan bala týraly habar alǵan.

«Bul habardy áriptesterim, polıııa kapıtany Ǵızatolla Rahmetov pen polıtsııa aǵa serjanty Faızolla Mádıevke jetkizdim. Olar shahardyń «Vokzal mańy» shaǵynaýdanynda ornalasqan kóp qabatty turǵyn úıge jedel jetti. Sol kezde 3-qabattaǵy balkonda kishkentaı balanyń turǵany anyqtaldy. Biraq, páterdiń esigi kiltteýli turǵan. Meniń áriptesterim 3-qabattaǵy balkonǵa órmelep shyǵyp, 4 jasar balany qaýipten qutqardy», -deıdi Tımýr Balmaǵanbetov.

Bul derekti oblystyq polıtsııa departamentiniń baspasóz qyzmeti rastady.

«Páterde balaqaıdan basqa adam bolmaǵany anyqtaldy. Ata-anasy túngi mezgilde 4 jasar balany qurbysyna ýaqytsha qaraı turýǵa tastap ketken. Al, senim bildirgen qurbysy balany páterge qulyptap, kiltti kireberiske jasyryp ketken. Taksı qyzmetin uzaq kútken ata-ananyń keshikkeni anyqtaldy», - dep habarlady departamenttiń baspasóz qyzmeti.

Eske sala ketelik, budan buryn byltyr Atyraý oblysynda 50-ge jýyq jasóspirim joǵalyp ketkenin jazǵan edik.


Avtor Bek Mustafa
Basty sózder: Atyraý oblysy, Aımaq, Oqıǵa,
Joǵary qaraı