Aýa raıy
Astana -19 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda Tuńǵysh Prezıdent kúnine oraı ǵylymı-tájirıbelik konferentsııa ótti

2020 jyldyń 28 qarasha 2020 23:31

ATYRAÝ. QazAqparat – Atyraýda Tuńǵysh Prezıdent kúnine oraı «Ult kóshbasshysy jáne zamanaýı memlekettik apparattyń kelbeti» atty ǵylymı-tájirıbelik konferentsııa onlaın formatta ótti, dep habarlaıdy QazAqparat.

Konferentsııaǵa QR Memlekettik qyzmet isteri agenttigi tóraıymy Anar Jaıylǵanova, QR Senatorlar keńesi tóraǵasynyń orynbasary Birǵanym Áıtimova, QR Prezıdenti janyndaǵy Memlekettik basqarý akademııasynyń rektory Erlan Ábilov, memlekettik organ basshylary, qoǵam belsendileri, oqý oryndarynyń ókilderi men agenttiktiń aýmaqtyq departamentteriniń jetekshileri qatysty.

Alǵash sóz alǵan oblys ákimi Mahambet Dosmuhambetov atalǵan konferentsııanyń QR Tuńǵysh Prezıdenti kúni qarsańynda uıymdastyrylýynyń ózindik mańyzyna toqtaldy.

«Qazirgi zamanǵa saı myqty memlekettik apparat qurý isi Tuńǵysh Prezıdent - Elbasy Nursultan Nazarbaevtyń esimimen baılanysty ekeni daýsyz. Táýelsizdiktiń eleń-alań shaǵynda aldymyzda syn-tegeýrinder turdy. Osyǵan oraı Elbasy jańa jaǵdaılarǵa tótep beretin memlekettik basqarý júıesin qalyptastyrýdy kózdedi. Qazaqstannyń básekege qabilettiligin arttyrýda memlekettik apparattyń kadrlyq áleýeti mańyzdy ról atqaratynyn jaqsy túsindi. Memlekettik apparattyń sapasy kez kelgen eldiń damý protsesinde sheshýshi faktorǵa ıe. Sondyqtan bul eldiń strategııalyq basymdyqtarynyń tıimdi oryndalýyn qamtamasyz etýi turǵysynan erekshe mańyzdy boldy. Ult Kóshbasshysynyń saıası erik-jigeriniń nátıjesinde Qazaqstan postkeńestik elder arasynda osy baǵytta alǵash bolyp júıeli qadamdar jasady», - dedi oblys ákimi Mahambet Dosmuhambetov.

Ákim óńirdegi memlekettik qyzmetshilerdi áleýmettik-ekonomıkalyq turǵydan qoldaý baǵytynda atqarylyp jatqan birqatar jumystardy da atap ótti.

«Jyl basynda jergilikti atqarýshy organdar faktorly-baldy shkalaǵa negizdelgen eńbekaqy tóleýdiń jańa júıesine kóshti. Pılottyq modeldiń engizilýi jergilikti deńgeıde kadr aýysýynyń azaıýyna septigin tıgizdi. Máselen, memlekettik qyzmetshilerdiń aýysýy byltyrǵy sáıkes kezeńmen salystyrǵanda 4,6%-dan 2,6%-ǵa deıin azaıǵan. Bul memlekettik apparat turaqtylyǵyn qamtamasyz etýge múmkindik berdi. Sonymen qatar, jalaqy mólsheriniń ósýi memlekettik qyzmetke degen qyzyǵýshylyqty arttyrdy», - dedi oblys ákimi.

Mahambet Dosmuhambetovtiń atap ótýinshe, bos laýazymdarǵa jarııalanǵan konkýrstarda bir orynǵa qatysýshylardyń sany 50%-ǵa ósken. Sonyń nátıjesinde memlekettik apparat bilikti kadrlarmen tolyǵýda. Qazir oblys ákimdigindegi memlekettik qyzmetkerlerdiń sapalyq quramy da artty. Memlekettik qyzmetkerler qatary 1 ǵylyym doktory, 2 ǵylym kandıdaty, 3 PhD doktory jáne «Bolashaq» baǵdarlamasynyń 3 túlegimen tolyqty. Al bos laýazymdardyń sany ótken jyldyń osy kezeńimen salystyrǵanda 4,1%-ǵa deıin azaıyp otyr.

Tuńǵysh Prezıdent kúnine oraılastyrylǵan konferentsııada tórt ózekti másele talqyǵa tústi. Qatysýshylar jańa myńjyldyqtaǵy memlekettik apparattyń ilgeri damýy, aýyldyq okrýg ákimderiniń mártebesi syndy máseleler aıasynda oı bólisip, pikir almasty.

Endi atalǵan konferentsııany QR Tuńǵysh Prezıdent kúni qarsańynda jyl saıyn ótkizý kózdelip otyr.

Eske sala ketelik, budan buryn Atyraýda «Memlekettik qyzmetshiler alleıasy» ashylǵan edi.


Joǵary qaraı