Aýa raıy
Astana -10 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda turǵyndardy qarjy pıramıdasyna tartqan azamat ustaldy

2020 jyldyń 9 tamyz 2020 19:41

ATYRAÝ. QazAqparat – Atyraýda «Garant 24 Lombard» JShS-niń salymshylaryn qarjy pıramıdasyna tartý, sondaı-aq, alaıaqtyq deregimen izdeýde bolǵan azamat ustaldy, dep habarlaıdy QazAqparat.

Atyraý oblystyq Polıtsııa departamentiniń qyzmetkerleri Batys Qazaqstan oblysyndaǵy áriptesterimen birlesip júrgizgen jedel izdestirý sharasynyń nátıjesinde kúdiktini Oral qalasynda qolǵa túsirgen.

Ustalǵan kúdikti oqshaýlaý ornyna qamaldy. Kúdiktige bıylǵy aqpanda izdeý jarııalanǵan bolatyn. Sol kezde Polıtsııa departamentine «Garant 24 Lombard» JShS-niń, «Nýralı Kapıtal», «Vygodnyı zaım» mıkrokredıttik uıymdarynyń fılıaldary azamattardyń jyljymaly jáne jyljymaıtyn múlikterin, aqshalaı qarajatyn zańsyz ıemdenip alý áreketterine qatysty túsken ótinishter túsken edi. Qazir turǵyndardyń ótinishteri negizinde qylmystyq is boıynsha sotqa deıingi tergep-tekserýler júrgizilýde» -dep habarlady departamenttiń baspasóz qyzmeti.

Eske sala ketelik, budan buryn atyraýlyqtardy aldaǵan «NuralıKapıtal» JShS quryltaıshysy Almatydan ustalǵan bolatyn.

https://www.inform.kz/qz/atyraulyktardy-aldagan-nuralikapital-zhshs-kuryltayshysy-almatydan-ustaldy_a3662963


Avtor Bek Mustafa
Basty sózder: Atyraý oblysy, Qylmyspen kúres,
Joǵary qaraı