Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda túrkııalyq ınvestor kúkirt betonıtin óndirýi múmkin

2021 jyldyń 11 maýsym 2021 05:40

ATYRAÝ. QazAqparat – Atyraýda túrkııalyq ınvestor kúkirt betonıtin óndirýi múmkin, dep habarlaıdy QazAqparat.

Atyraý oblysynyń ákimi Mahambet Dosmuhambetov túrkııalyq «BRIMSTONE Sulphur Provider Company» kompanııasynyń negizin qalaýshy Efe Mýnıp Nýrdoǵdýmen kezdesip, hımııa ónerkásibi salasyna qatysty jobalardy talqylady.

Oblys ákiminiń málimetinshe, Memleket basshysy Qasym-Jomart Toqaev Qazaqstan halqyna Joldaýynda atap kórsetkendeı, elimizdiń batystaǵy óńirleri munaı-hımııa keshenderin salyp, joǵary deńgeıdegi qaıta óńdeý isiniń jańa óndiristik tsıkldaryn qurýǵa erekshe nazar aýdaryp otyr.

Osy baǵytta Atyraý óńirinde birqatar aýqymdy joba qolǵa alynyp, ınvestıtsııa tartý jumystary júrgizilip jatyr.

Túrkııa ınvestory Atyraý oblysynda kúkirt betonıtin óndiretin ónerkásip orynyn ashýǵa daıyn ekenin jetkizdi. Investıtsııa kólemi shamamen 10 mln AQSh dollary bolatyn joba 50-ge jýyq adamdy turaqty jumys ornalastyrýǵa jol ashady.

«Qazaqstanda kúkirttiń jetkilikti qory bar. Alaıda, biz úshin de, jalpy el úshin de shıkizatty tereń óńdeýdi uıymdastyrý, daıyn ónimdi kúkirt bentonıti túrinde shyǵaryp, shetel naryǵyna eksporttaý áldeqaıda tıimdi. Logıstıkalyq turǵydan alǵanda, Atyraý oblysy – bul jobany júzege asyrý úshin óte yńǵaıly ınvestıtsııalyq alań. Osy oblystan Qytaı, Eýropa men Reseı naryǵyna shyǵýdyń tıimdi tusy kóp»,- dedi Mýnıp Nýrdoǵdý.

Onyń aıtýynsha, Túrkııanyń Izmır qalasyndaǵy zaýyt kúkirt pen ilespe ónimderin Eýropa elderine shyǵarady.

Túrkııalyq kompanııanyń ónimderi aýyl sharýashylyǵy salasynda ásirese, sortań ári tuzdy jerge taptyrmaıtyn tabıǵı tyńaıtqysh retinde qoldanylady.

Sondaı-aq, Túrkııa ınvestorlary «Teńizshevroıl» JShS ókilderimen shıkizatpen qamtamasyz etý máselesine qatysty kelissóz júrgizgen.

Eske ala ketelik, budan buryn Atyraýda ınvestorlar 3,6 mlrd teńgeniń jobalaryn iske asyratynyn jazǵan bolatynbyz.

Joǵary qaraı