Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda túrmege telefon ótkizbek bolǵandar qamaýǵa alyndy

2021 jyldyń 18 qańtar 2021 08:51

ATYRAÝ. QazAqparat – Atyraýda túrmege telefon laqtyrǵandar qamaýǵa alyndy, dep habarlaıdy QazAqparat.

Atyraý oblysy boıynsha Qylmystyq-atqarý júıesi departamenti baspasóz qyzmetiniń málimetinshe, ÝG-157/9 (erler túzeý kolonııasy) mekemesiniń qorshaýynan tyıym salynǵan zattardy laqtyrmaq bolǵan eki er adam ustalǵan.

«Olar Atyraýǵa Mańǵystaý oblysynan arnaıy kelgen. Tekserý kezinde olardan uıaly telefondar, ınternet modem, qulaqqaptar men qýattandyrǵysh tabyldy. 25 jastaǵy eki azamattyń buryn sottalǵany belgili boldy» dep habarlady departamenttiń baspasóz qyzmetinen.

Ustalǵan azamattar buǵan deıin de osyndaı quqyq buzýshylyq jasaǵan. Sol kezde sot olarǵa eskertý bergen. Al, bul joly sot sheshimimen ekeýi de 20 táýlikke ákimshilik qamaýǵa alyndy.

«ÝG-157/9 mekemesiniń aýmaǵynda «Sergek» beınebaqylaý júıesi ornatyldy. Túrmeniń mańyna polıtsııa qyzmetkerleri únemi baqylaý júrgizedi. Al, tyıym salynǵan zattardy ótkizýge umtylý sekildi quqyq buzýshylar qatań jazalanatyn bolady», - deıdi departament bastyǵy Manarbek Ǵabdýllın.

Eske sala ketelik, budan buryn Atyraýdyń turǵyny túrmege 4 telefon ótkizbek bolǵan edi.



Avtor Bek Mustafa
Basty sózder: Atyraý oblysy, Qylmyspen kúres,
Joǵary qaraı