Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraýda jappaı tártipsizdikke qatysqan kúdiktiden atys qarýy tárkilendi

2022 jyldyń 12 qańtar 2022 19:28

ATYRAÝ. QazAqparat – Atyraýda jappaı tártipsizdikke qatysqan kúdiktiden atys qarýy tárkilendi, dep habarlaıdy QazAqparat.

Atyraý oblysynyń komendanty – oblystyq polıtsııa departamentiniń bastyǵy Qamza Úmbetqalıevtiń aıtýynsha, óńirde antıterrorlyq operatsııa jalǵasyp jatyr.

«Polıtsııa qyzmetkerleri oblys ortalyǵynda bolǵan jappaı tártipsizdik kezinde áskerıler men polıtsııa qyzmetkerlerine kúsh qoldanyp, qorǵanys quraldaryn ıemdengen buzaqylardy ustap jatyr. Buzaqynyń biri – buryn áseri joǵary psıhotropty dárilerdi zańsyz satyp alǵany úshin jaýapqa tartylǵan 1997 jylǵy jigit. Onyń úıin tintý kezinde áskerılerdiń oq ótkizbeıtin úsh brondy jıleti tabyldy. Al, jappaı tártipsizdikke qatysqany úshin ustalǵan 1991 jylǵy kúdiktiniń úıinen atys qarýy tárkilendi», -dep habarlady Atyraý oblysy komendatýrasynan.

Qazir ustalǵan kúdiktilerge qatysty tergeý amaldary júrgizilip jatyr. Ózge aqparat QR Qylmystyq-protsestik kodeksiniń 201-babyna sáıkes jarııalaýǵa jatpaıdy.

Eske sala ketelik, budan buryn Atyraý oblysynda jappaı tártipsizdikke qatysqan 497 adam ustalǵanyn jazǵan bolatynbyz.


Joǵary qaraı