Aýa raıy
Astana -18 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýda jylyna 30 mln medıtsınalyq maska shyǵaratyn óndiris iske qosyldy

2020 jyldyń 28 qarasha 2020 01:05

ATYRAÝ. QazAqparat –Atyraýda jylyna 30 mln medıtsınalyq maska shyǵaratyn óndiris iske qosyldy, dep habarlaıdy QazAqparat.

Jergilikti kásipker Mahmýt Meralıev pandemııanyń birinshi tolqynynda óńirde medıtsınalyq maskanyń tapshylyǵyna kóz jetkizgen. Sol sebepten, arzan baǵamen satylatyn maska shyǵarýdy qolǵa alǵan. Úkimet tarapynan qoldaý tapqan ıgi bastamanyń alǵashqy ónimi Táýelsizdik kúni qarsańynda satylymǵa shyǵarylady.

«Qazir «Doktor Haýs» JShS-de 20 adam jumys isteıdi. Bir rettik medıtsınalyq maska toqylmaǵan materıaldan jasalady. Ony paıdalaný ýaqyty 2 saǵattan aspaıdy. Eresekterge arnalǵan úsh qabaty bar medıtsınalyq maskanynyń jylyna 30 mln danasyn shyǵarýdy kózdep otyrmyz», - deıdi zaýyttyń bas ınjeneri Muhtar Mahmetov.

Onyń aıtýynsha, Atyraýdan shyǵarylǵan maska elimizdiń barlyq óńirine satylymǵa jiberiledi. Bolashaqta balalarǵa arnalǵan maskany da shyǵarý josparda bar.

Eske sala ketelik, budan buryn Atyraýda eki aıda salynǵan modýldi ınfektsııalyq aýrýhana ashylǵanyn jazǵan bolatynbyz.



Joǵary qaraı