Atyraýdyń kireberisine 4 mobıldi beket qoıylǵan

ATYRAÝ. QazAqparat –Atyraý qalasynyń polıtseıleri Qurban aıt kezinde karantın sharalarynyń saqtalýyn qadaǵalaýda, dep habarlaıdy QazAqparat.

Oblystyq Polıtsııa departamenti baspasóz qyzmetiniń aqparatyna qaraǵanda, qurbandyqqa shalynatyn iri jáne ýaq maldy Atyraý qalasyna kirgizbeý úshin «Atyraý-Astrahan», «Atyraý-Oral», «Atyraý-Dossor», «Atyraý-Inder» baǵytyna qatynaıtyn jol boıyndaǵy Qaraózek, Bereke, Aqjar aýyldary men telemunara tusynda mobıldi

beketter qoıylǵan. Sondaı-aq, mundaı mobıldi beket Batys Qazaqstan oblysymen shekaradaǵy Aqqala eldi mekeniniń tusynda da bar.

«Azamattardy oblys aýmaǵynda koronavırýstyq ınfektsııanyń taralýyn, juqtyrý faktilerin azaıtýǵa baǵyttalǵan shekteýlerdi, Qurban aıt merekesi kúnderi is-sharalardy ótkizýge tyıym salý týraly qaýly talaptaryn oryndaýǵa shaqyramyz. Buǵan deıin jarııalanǵan indet jaǵdaıynda qurbandyq shalý algorıtmin saqtaǵan durys», - dep atap ótti Atyraý oblystyq polıtsııa departamentiniń bastyǵy Qamza Úmbetqalıev.

Eske sala ketelik, buǵan deıin atyraýlyqtar qurban shalý úshin 51 qoı, 40 toqty jáne 6 eshkige tapsyrys bergenin habarlaǵan bolatynbyz.