Aýa raıy
Astana 30 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Atyraýǵa Astrahannan dárigerler kómekke keledi

2020 jyldyń 14 shilde 2020 19:23

ATYRAÝ. QazAqparat – Atyraýǵa keletin astrahandyq dárigerler Reseı úkimetiniń qaýlysyn kútip otyr, dep habarlaıdy QazAqparat.

Bul týraly oblystyq densaýlyq saqtaý basqarmasynyń basshysy Nurlybek Qabdyqaparov málim etti.

«Atyraý oblysynyń ákimi Mahambet Dosmuhambetov ótken aptada Astrahan oblysynyń gýbernatory Igor Babýshkınmen medıtsına qyzmetkerlerin shaqyrý týraly kelisimge kelgen bolatyn. Astrahan dárigerlerin jalaqymen, jatyn orynmen, tamaqpen qamtý, júrip-turý máseleleri tolyq sheshildi. Olardy kútip otyrmyz», - dedi Nurlybek Qabdyqaparov.

Onyń aıtýyna qaraǵanda, astrahandyq dárigerlermen kúndelikti kelissóz júrgizilip jatyr. Olar Atyraýǵa kelýge daıyn.

Tek Reseı Federatsııasy úkimetiniń arnaıy qaýlysy shyǵýy kerek.


Joǵary qaraı