Aýa raıy
Astana -6 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýǵa shetelden ushyp kelgen 37 jolaýshyda PTR anyqtama joq bolyp shyqty

2020 jyldyń 26 qazan 2020 17:00

ATYRAÝ. QazAqparat - Shetelden Atyraýǵa ushyp kelgen 37 qazaqstandyqtyń koronavırýstyń joq ekenin rastaıtyn PTR anyqtamasy joq bolyp shyqty, dep habarlaıdy QazAqparat tilshisi.

Atyraý oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń málimetinshe, Atyraýǵa 20-25 qazan aralyǵynda shetelden Ystanbul-Atyraý, Tashkent-Atyraý, Amsterdam-Atyraý baǵytynda 4 áýe reısi ushyp kelgen.

«Halyqaralyq áýe reısimen barlyǵy 456 adam jetkizildi», - dep habarlaıdy Atyraý oblystyq densaýlyq saqtaý basqarmasynyń baspasóz qyzmeti.

Áýe reısimen kelgen jolaýshylardyń arasynda sheteldikter joq, barlyǵy - qazaqstandyqtar. Onyń 37-sinde COVID-19-ǵa PTR-test qorytyndysy bolmaǵandyqtan karantın statsıonaryna jatqyzylǵan.

Jolaýshylardan koronavırýs juqpasyna synama alyndy, qorytyndysy teris bolyp shyqty. Eshqaısysynan qaýipti ınfektsııa anyqtalmaǵandyqtan úılerine jiberildi.


Avtor Bek Mustafa
Basty sózder: Atyraý oblysy, Kólik,
Joǵary qaraı