Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýǵa Tokıo Paralımpıadasynyń kúmis júldegerleri keldi

2021 jyldyń 31 tamyz 2021 20:18

ATYRAÝ. QazAqparat – Atyraýǵa Tokıo Paralımpıadasynyń kúmis júldegerleri keldi, dep habarlaıdy QazAqparat.

Búgin, 31 tamyzda atyraýlyqtar Tokıodaǵy Paralımpıada oıyndarynda dzıýdodan kúmis júldege ıe bolǵan dzıýdoshylar Ánýar Sarıev, Dáýlet Temirjan men Zarına Baıbatınany qoshemetpen kútip aldy.







«Paralımpıadaǵa altyn medal alý úshin barǵan edim. Jeńiske jetý úshin bapkerimniń keńesin, ózimniń tájirıbemdi tolyq paıdalanýǵa tyrystym. Biraq, sál sáttilik jetispedi. Endi Parıjde Paralımpıadaǵa daıyndyqty bastaımyn. Sol kezde elimizdiń kók baıraǵyn jelbiretip, Ánuranyn shyrqatýǵa tyrysamyn» -deıdi Paralımpıada oıyndarynyń kúmis júldegeri Ánýar Sarıev.




Paradzıýdodan el quramasynyń bas bapkeri Jandos Qııanovtyń aıtýynsha, Ánýar Sarıev – álemdik reıtıngte alǵashqy úshtikke engen tatamı sheberi.

«Sol sebepten, birinshi aınalymda Ánýardyń qarsylasy bolmady. Ekinshi kezeńde mońǵol sportshysyn jartylaı jeńispen utty. Sol kezdesýde azdaǵan jaraqat aldy. Murny synyp, saýsaǵyn aýyrtyp aldy. Soǵan qaramastan, kelesi aınalymda venesýelalyq Markos Blankomen kúresip, ony eki ádispen jeńdi. Al, fınalda ázerbaıjandyq Výgar Shırınlımen kezdesýde qatelik jiberip aldy. Qarsylasy sony paıdalanyp ketti» -deıdi Jandos Qııanov.

Eske sala ketelik, budan buryn Paralımpıada qazaqstandyq dzıýdoshy Ánýar Sarıev, odan soń Dáýlet Temirjan, keıin Zarına Baıbatına kúmis júldeger atanǵan edi.








Avtor Bek Mustafa
Basty sózder: Atyraý oblysy, Sport, Olımpıada,
Joǵary qaraı