Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýlyq 12 jasar shahmatshy halyqaralyq týrnırdiń jeńimpazy atandy

2021 jyldyń 25 qyrkúıek 2021 16:01

ATYRAÝ. QazAqparat – Atyraýlyq 12 jasar shahmatshy qyz halyqaralyq týrnırdiń jeńimpazy atandy, dep habarlaıdy QazAqparat.

Oblystyq sport jáne dene shynyqtyrý basqarmasynyń baspasóz qyzmetinen málim etkendeı, 12-21 qyrkúıekte Reseı Federatsııasynyń Chelıabınsk qalasynda halyqaralyq grossmeıster V.Panchenkony eske alýǵa arnalǵan halyqaralyq shahmat týrnıri ótti.

«Bul týrnırge qatysqan 57 shahmatshynyń arasynda 6 grossmeıster, 30 halyqaralyq dárejeli sheberler bar. Al, áıelder arasyndaǵy Reseı kýbogynyń kezekti kezeńi bolyp esepteletin týrnırde atyraýlyq shahmatshy Zarına Nurǵalıeva 13 jasqa deıingi qyzdar básekesinde jeńimpaz atandy. Osy jeńisinen keıin qazaqstandyq jas shahmatshy FIDE reıtınginde 140-satyǵa kóterip, 1950 upaıǵa qol jetkizdi. Ol endi Sankt-Peterbýrg pen Tashkent qalasynda shahmattan ótetin halyqaralyq festıvalge qatysyp, reıtıngtik upaıyn 2100-ge jetkizýdi kózdep otyr. Bul – FIDE sheberi normatıviniń deńgeıi» -dep málim etti basqarmanyń baspasóz qyzmetinen.

Eske sala ketelik, budan buryn atyraýlyq 12 jasar shahmatshy álem kýbogynyń qola júldegeri atanǵan.


Avtor Bek Mustafa
Basty sózder: Atyraý oblysy, Sport,
Joǵary qaraı