Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraýlyq alaıaq 97 adamnyń atynan kredıt alǵan

2022 jyldyń 19 mamyr 2022 02:09

ATYRAÝ. QazAqparat – Atyraýda alaıaq 97 adamnyń atyna onlaın-nesıeni zańsyz rásimdegen, dep habarlaıdy QazAqparat.

Atyraý oblysy prokýrorynyń orynbasary Abzal Gılımnyń aıtýynsha, sońǵy kezde onlaın-nesıe berýmen aınalysatyn mıkroqarjylyq uıymdar sany kóbeıgen. Buǵan osyndaı uıymdardan nesıe alýdyń tez ári ońaı bolatyny áser etken.

«Muny alaıaqtar óz maqsatyna paıdalanyp, eshteńege kúdiktenbeıtin azamattarǵa mıkroqarjylyq uıymdardan onlaın-nesıelerdi resimdeýde. Bul týraly jábirlenýshiler ózderiniń banktik shottary buǵattalǵan kezde nemese sot oryndaýshylarynan qońyraýlar túsken kezde biledi», -deıdi oblys prokýrorynyń orynbasary Abzal Gılım.

Máselen, «Ch.» degen er adam bóten adamdardyń jeke málimetterin paıdalanyp, mıkroqarjylyq uıymdardan onlaın-nesıelerdi zańsyz resimdegen. Onyń osyndaı zańsyz áreketinen óńirdiń 97 turǵyny zardap shekken. Qazir alaıaqtyń zańsyz áreketine qylmystyq is sotta qaralyp jatyr.

«Osyǵan baılanysty oblys prokýratýrasy azamattardy saq bolýǵa jáne beıtanys adamdarǵa ózderiniń derbes derekterin (JSN, jeke kýálik nómirlerin jáne t.b.) joldamaýǵa, áleýmettik jelilerde tólem kartalarynyń derektemelerin jarııalamaýǵa, kúmándi ınternet-resýrstarda ózderiniń banktik kartalarynyń derekterin engizbeýge keńes beredi. Internet-alaıaqtyq faktileri anyqtalǵan jaǵdaıda azamattar quqyq qorǵaý organdaryna habarlasýy qajet», -dep málim etti Abzal Gılım.

Eske sala ketelik, budan buryn alaıaqtyq qylmysy úshin sottalǵan áıeldiń ózge de áreketteri anyqtalǵanyn habarlaǵan bolatynbyz.


Avtor Bek Mustafa
Basty sózder: Qylmyspen kúres, Atyraý oblysy,
Joǵary qaraı