Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraýlyq qutqarýshylar páter esigin asha almaǵan qartqa kómektesti

2022 jyldyń 21 qańtar 2022 04:00

ATYRAÝ. QazAqparat – Atyraýlyq qutqarýshylar páter esigin asha almaǵan keıýanaǵa kómektesti, dep habarlaıdy QazAqparat.

Oblystyq tótenshe jaǵdaılar departamenti baspasóz qyzmetiniń málimetinshe, bul týraly qartyń kórshisinen habar túsken.

«Atyraý qalasynyń Abaı kóshesindegi kópqabatty úıde turatyn qart ana 20 qańtarda páteriniń esigin ishten asha almaı, qulap qalǵan. Keıýananyń kómek suraǵan aıqaıyn kórshisi estip, departamenttiń dıspetcherlik pýltine saǵat 20:22-de habar berdi. Qutqarýshylar polıtsııa qyzmetkerlerimen birge páter esigin arnaıy quralmen ashyp berdi. Al, páterge kirgen qart áıeldiń edende qulap jatqany anyqtaldy. Jedel járdem qyzmetkerleri keıýanaǵa alǵashqy medıtsınalyq kómek kórsetti», -dep habarlady departamenttiń baspasóz qyzmeti.

Eske sala ketelik, budan buryn Atyraý oblysynda bir kólik órtenip, ekinshisi aýdarylyp qalǵanyn jazǵan bolatynbyz.


Avtor Bek Mustafa
Basty sózder: Oqıǵa, Aımaq, Atyraý oblysy,
Joǵary qaraı