Aýa raıy
Astana -26 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýlyq munaıshy mýzeıge kóne jádigerlerdi tapsyrdy

2020 jyldyń 8 tamyz 2020 09:30

ATYRAÝ. QazAqparat –Atyraýda «Embimunaıgaz» AQ jańa tehnıka jáne tehnologııalar departamentiniń dırektory Raýan Sabyrov bala kezinen jınaǵan qundy jádigerlerdi «Han ordaly Saraıshyq» murajaı keshenine tapsyrdy, dep habarlaıdy QazAqparat.

Mýzeı kesheni qyzmetkerleriniń aıtýynsha, jádigerlerdiń kópshiligi sarmat dáýirine jatady. Onyń arasynda qola jebe, oıylǵan tańbalar beınelengen qysh ydys bar.




«Balalyq shaǵym Qyzylqoǵa aýdanynda ótti. Sol kezde balalar taýyp alǵan jebelerdi qoldan jasalǵan sadaqqa qadap, oınap júrgenin talaı kórdim. Mundaı qundy jádigerler aýyldaǵy úıimizde kóp boldy. Osydan birneshe aı buryn osy mýzeıge kelgenimde jádigerlerdiń kópshiligin Elordadaǵy murajaıǵa alyp ketkenin estidim. Sol sebepten, úıdegi kollektsııamdy qazaqstandyqtar men el qonaqtary kóptep keletin osy mýzeı keshenine tapsyrýǵa sheshim qabyldadym», - deıdi Raýan Sabyrov.

Atyraýlyq munaıshy mýzeı kesheniniń aýmaǵyna tigilgen kıiz úıdi bezendirýge arnalǵan túlki terisin qosa syıǵa tartty.

Eske sala ketelik, buǵan deıin Atyraýdaǵy kıeli mekenniń biri –Aqmeshit qorymy týraly jazǵan bolatynbyz.








Joǵary qaraı