Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Atyraýlyq jeńildetilgen nesıemen avtokólik satyp aldy

2022 jyldyń 26 mamyr 2022 04:00

ATYRAÝ. QazAqparat – Elimizde 16 mamyrda bastalǵan avtokólikterge jeńildetilgen nesıe berý baǵdarlamasyna atyraýlyqtar da ótinish ótkizip jatyr. Alǵashqy turǵyn kóligin alyp ta úlgerdi, dep habarlaıdy QazAqparat tilshisi.

Atyraýda alǵashqylardyń qatarynda jeńildetilgen nesıemen jańa kóliktiń ıesi atanǵan turǵyn – 27 jastaǵy Ashat Ianov. Bankte menedjer bolyp jumys isteıdi. Baǵdarlama iske qosylǵan kúni ótinish beripti.

«Maǵan avtosalon menedjeri qońyraý shalyp, satý-satyp alý kelisimshartyn jasaý qajettigi týraly qýanyshty habar jetkizdi. Árıne, kólikti jeńildetilgen nesıemen satyp alǵanyma qýanyshtymyn. «Shevrolet Cobalt» kóligin tańdadym. Quny – 6 mln 490 myń teńge. Aı saıyn 101 myń teńge tóleýim qajet. Jeńildetilgen nesıeni 6 jylǵa rásimdedim», - deıdi Ashat Ianov.

Bul kólikti satatyn avtosalonǵa 400 atyraýlyqtan ótinish túsken. Onyń ishinde 120 adam VIN-kod alyp, ózgeleri rezerv tizimine engizilgen. Óıtkeni, qazir kompanııanyń qoımasynda osyndaı 120 kólik ǵana bar.

«Jańa kólikter 3 aıdyń ishinde keledi. Bizdiń klıentterden «Chevrolet Cobalt» pen «Chevrolet Nexia» markaly kólikke suranys artyp tur. Ótken jyly elimizde osyndaı 25 myńnan astam kólik satyldy», - deıdi «Vıraj» kompanııalar tobynyń dırektory Erasyl Sháripov.

Eske sala ketelik, buǵan deıin jeńildetilgen nesıemen alǵashqy klıent avtokólik alǵany habarlanǵan edi.


Avtor Bek Mustafa
Basty sózder: Avtonesıe, Nesıe, Kólik, Atyraý oblysy,
Joǵary qaraı