Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýlyq jigit 60 doza esirtkini qalanyń úsh bóligine jasyryp qoıǵan

2021 jyldyń 4 naýryz 2021 07:26

ATYRAÝ. QazAqparat – Atyraýda 27 jastaǵy jigit ózi jasyrǵan esirtkini taýyp berdi, dep habarlaıdy QazAqparat.

Oblystyq polıtsııa departamenti baspasóz qyzmetiniń aqparatyna qaraǵanda, esirtki qylmysyna qarsy is-qımyl basqarmasy jedel izdestirý kezinde Atyraý qalasynyń ár bóligine esirtki jasyrdy degen kúdikpen 27 jastaǵy jas jigitti ustaǵan.

«Atyraý qalasy turǵynynyń ýaqytsha mekenjaıyn tintý kezinde untaq tárizdi zat, esirtki dozalaryn ólsheıtin túrli quraldar tabylyp, tárkilendi. Tergeýden soń kúdikti qala aýmaǵynyń 3 núktesinde ózi jasyrǵan 60 dozany quraıtyn esirtkini kórsetti. Saraptama qorytyndysymen esirtki-pırovaleron ekeni anyqtaldy» -deıdi esirtki qylmysyna qarsy is-qımyl basqarmasynyń bastyǵy Marat Taǵanııazov.

Qazir ustalǵan kúdiktige qatysty QR Qylmystyq Kodeksiniń 297-baby, 3-bóligimen sotqa deıingi tergeý júrgizilip jatyr.

Eske sala ketelik, budan buryn Atyraý turǵynynan 5 keliden astam esirtki tárkilengen bolatyn.

Joǵary qaraı