Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Atyraýlyqtar kóshede ornalasqan jyljymaly pýnkten vaktsına alyp jatyr

2021 jyldyń 27 qyrkúıek 2021 06:30

ATYRAÝ. QazAqparat – Atyraý qalasynyń turǵyndaryna koronavırýs ınfektsııasyna qarsy vaktsınany kóshedegi alańnan alý usynyldy, dep habarlaıdy QazAqparat.

Atyraý qalasynda ashylǵan alań az emes. Sonyń biri – memleket jáne qoǵam qaıratkeri Salamat Muqashev atyndaǵy alań. Bul alań «Vokzal mańy» shaǵyn aýdanynda ornalasqan.

«Koronavırýs ınfektsııasynyń taralýyn toqtatýdyń, adam densaýlyǵyn saqtaýdyń, qalypty ómir tirshiligine oralýdyń jalǵyz joly – vaktsına saldyrý. Sondyqtan, barshańyzdy 27 qyrkúıekten bastap «Vokzal mańy» shaǵyn aýdanyndaǵy Salamat Muqashev atyndaǵy alańda ashylǵan jyljymaly ekpe alý pýnktine shaqyramyz. Atalǵan alańdaǵy ekpe alý pýnktine deıin qala turǵyndaryn kólikpen tasymaldaý uıymdastyrylatyn bolady. Ekpe alý arqyly ózińizdi, týǵan-týystaryńyzdy, dostaryńyz ben áriptesterińizdi qaýipti indetten qorǵaý qajettigin eskerińiz» -dep habarlady Atyraý qalalyq ákimdiginiń baspasóz qyzmeti.

Eske sala ketelik, buǵan deıin Atyraý oblysynda eki kúnde 1 264 adam ekpe saldyrdy.


Joǵary qaraı