Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aýa raıynyń qolaısyzdyǵyna baılanysty alty óńirde joldar jabyldy

2022 jyldyń 16 qańtar 2022 15:16

NUR-SULTAN. QazAqparat - Aýa raıynyń nasharlaýyna baılanysty (kóktaıǵaq, burqasyn, shekteýli kóriný) alty óńirde: Aqmola, Aqtóbe, Qaraǵandy, Qostanaı, Pavlodar, Batys Qazaqstan oblystaryndaǵy respýblıkalyq jáne oblystyq mańyzy bar tas joldarda qozǵalys jabyldy, dep habarlaıdy QazAqparat QR TJM baspasóz qyzmetine silteme jasap.

«Qazgıdromet« RMK dereginshe, óńirlerde burqasyn, qar, kóktaıǵaq kútiledi, jel 15-20 m/s kúsheıedi.

TJM jedel shtaby jol qyzmetteri, ІІM, Qazgıdromet jáne jergilikti

atqarýshy organdar birlesip jumys isteýde. Jabyq ýchaskelerde joldardy qardan tazalaý úshin arnaıy tehnıkalar jumyldyryldy. Arnaıy beketterde qutqarýshylar men polıtsııa qyzmetkerleri kezekshilik etýde. Jylytý pýnktteri iske qosyldy.

Kólik nópiriniń jınalýyna baılanysty polıtsııa jáne jol qyzmetteri kezek-kezegimen avtokolonnalardy ilestirip, dittegen jerine jetkizýde.

«Azamattardy aýa raıynyń ózgerýin baqylaýǵa shaqyramyz. Qajetti saqtyq sharalaryn saqtańyz. Qysqy kezeńde eldi mekender arasyndaǵy avtomobıl joldaryna shyǵýdy josparlamas buryn mindetti túrde aldaǵy qozǵalys baǵyty boıynsha aýa raıy boljamymen tanysqan jón», dep eskertedi QR TJM.

.


Joǵary qaraı