Aýa raıynyń nasharlaýyna baılanysty respýblıkalyq mańyzy bar birqatar jol jabyldy

ORAL. QazAqparat – Batys Qazaqstan oblysynda aýa raıynyń nasharlaýyna baılanysty respýblıkalyq mańyzy bar jol jabyldy, dep habarlaıdy QazAqparat tilshisi.

«QazAvtoJol» UK» AQ BQO fılıalynyń málimeti boıynsha 14 qańtar kúni jergilikti saǵat Kaztalov-Jánibek (0- 158 km , Kaztalov-Jánibek-RF shekarasy) jolynda barlyq kólik túrleri úshin qozǵalysqa shekteý qoıyldy.

Jabylý sebebi – qatty boran.

BQO TJ departamenti turǵyndarǵa osy baǵytta alys jolǵa shyqpaý kerektigin eskertedi.

«Burqasyn men kóktaıǵaq kólik quralyn basqarýdy qıyndatyp, sonyń saldarynan joldarda apat bolý yqtımaldylyǵy artady. Sondyqtan BQO TJ departamenti júrgizýshiler men jolaýshylarǵa jol erejesin buzbaı, jyldamdyqty arttyrmaı, qashyqtyqty saqtaý, múmkindiginshe uzaq saparǵa shyqpaı, úıde bolý kerektigin eske salady», dep habarlady vedomstvodan.

Sonymen qatar respýblıkalyq mańyzy bar Ónege-Bısen-Saıqyn, oblystyq Tasqala-Aqqýraı-RF shekarasy jáne Úlken Shaǵan-Peremetnyı joldary jabyq.

Eske sala keteıik, Batys Qazaqstanda boranǵa baılanysty Saratov baǵytyndaǵy jol jabyldy . Keıin aýa raıynyń jaqsarýyna baılanysty bul jol ashyldy.