Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Áýe qorǵanysy kúshteriniń áskerı qyzmetshileri qorytyndy tekserýdi jańa úlgide tapsyrdy

2021 jyldyń 23 qazan 2021 23:31

NUR-SULTAN. QazAqparat - Bıylǵy qorytyndy tekserý – Áýe qorǵanysy kúshteri bas qolbasshysy basqarmasyndaǵy memlekettik qupııalardy qorǵaý bólimshesiniń mamandary engizgen kompıýterlik baǵdarlamamen erekshelendi, dep habarlaıdy QR QM baspasóz qyzmeti.

Bul jańa úlgi qashyqtyqtan synaqtar qabyldaýǵa, baqylaý sabaqtaryn tapsyrý úderisin ońtaılandyrýǵa, «adamı faktordy» joıýǵa, sondaı-aq aqparatty óńdeýde ýaqytty únemdeýge múmkindik beredi.

Testileý nátıjeleri arnaıy serverde jınaqtalady, onda baqylaý sabaǵyna jumsalǵan ýaqyt pen qoıylǵan baǵalardy baqylaýǵa bolady.

Áýe qorǵanysy kúshteri bas qolbasshysynyń basqarmasynda zenıtshiler, avıatorlar, baılanysshylar, tyl jáne basqa da túrli mamandar qyzmet atqarady. Árbir áskerı qyzmetshiden mindetti jalpy áskerı pánderden ǵana emtıhan alyp qoımaı, sonymen qosa tizimge ushý qaýipsizdigin qamtamasyz etý jáne olardy óndirý, ınjenerlik-avıatsııalyq qamtamasyz etý, qarý-jaraq pen arnaıy tehnıkany qoldaný jáne olardy paıdalaný, materıaldyq-tehnıkalyq jáne áýeaılaqty qamtamasyz etýdi uıymdastyrý máseleleri engizilgen.

Áýe qorǵanysy kúshterinde qorytyndy tekserýdi tapsyrý jarys túrinde ótti. Árbir áskerı qyzmetshiniń aralyq jáne sońǵy nátıjeleri, sondaı-aq qurylymdyq bólimsheniń jalpy baǵasy basqarma shtabyndaǵy aqparattyq stendte kórsetildi. Tekserý nátıjelerinde úzdik áskerı qyzmetshiler anyqtalatyn bolady.

Qorytyndy tekserý jyl saıyn oqý jylynyń sońynda barlyq áskerı bólimderde ótkiziletinin jáne áskerı qyzmetshilerdiń, bólimsheler men bólimderdiń jaýyngerlik tapsyrmalardy oryndaýǵa daıyndyǵyn kórsetetin bilim deńgeıin baqylaý bóligi bolyp tabylatynyn aıta ketken jón.

Basty sózder: Ásker, QR Qorǵanys mınıstrligi,
Joǵary qaraı