Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Áýe tasymalyn memlekettik retteý azamattyq avıatsııa naryǵynyń damýyna kedergi keltiredi

2021 jyldyń 28 qarasha 2021 10:41

NUR-SULTAN. QazAqparat – Avıatasymaldardy memlekettik retteý azamattyq avıatsııa naryǵynyń damýyna kedergi keltiredi. Bul jaıynda Senat depýtattarynyń saýalyna QR Premer-Mınıstri Asqar Mamınniń jaýabynda aıtylǵan, dep habarlaıdy QazAqparat tilshisi.

«Búginde Aqtaý halyqaralyq áýejaıynan aptasyna ishki baǵyttar boıynsha 107 reıs, halyqaralyq baǵyttar boıynsha 23 reıs oryndalýda. onyń ishinde 8 ishki baǵyt: Nur-Sultan, Almaty, Shymkent, Atyraý, Kókshetaý, Aqtóbe, Oral, Túrkistan jáne 10 halyqaralyq baǵyt: Máskeý, Stambýl, Tbılısı, Gorgan, Úrgenish, Nókis, Erevan, Kýtaısı, Groznyı, Dýbaı. 2012 jyldan bastap ishki avıatasymaldar naryǵy tolyǵymen yryqtandyrylǵanyn jáne reıster sany men baǵyttar boıynsha shekteýler joq ekenin atap ótý qajet. ıAǵnı turaqty ishki kommertsııalyq áýe tasymaldaryn oryndaýǵa ruqsaty bar. Árbir qazaqstandyq avıakompanııa ishki marshrýtta suranysqa sáıkes ózine qajetti kez kelgen ýaqytta turaqty reısterdi oryndaýyna bolady. Osyǵan baılanysty turaqty ishki reısterdi oryndaýǵa ruqsaty bar qazaqstandyq avıakompanııalarda ishki turaqty tasymaldar naryǵynda qandaı da bir shekteýler joq», - delingen Úkimet basshysynyń jaýabynda.

Onyń atap ótinshe, halyqaralyq qatynastardy ashý boıynsha jumys QR Densaýlyq saqtaý mınıstrligimen kelise otyryp, Qazaqstan Respýblıkasynyń aýmaǵynda koronavırýstyq ınfektsııanyń paıda bolýy men taralýyna jol bermeý jónindegi vedomstvoaralyq komıssııanyń sheshimderi negizinde, sondaı-aq shet memleketterdiń engizilgen shekteýlerin eskere otyryp júzege asyrylyp jatyr. Vedomstvoaralyq komıssııanyń sheshimderine sáıkes qazirgi ýaqytta Aqtaý qalasynan aptasyna 23 reıs jıiligimen 8 baǵyt boıynsha 7 elge halyqaralyq reıster oryndalýda.

«Avıabıletter qunyn tómendetýga qatysty Qazaqstan Respýblıkasynda áýe kóligindegi baǵalardy memlekettik retteý alynyp tastalǵanyn atap ótý qajet. Avıatasymaldardy memlekettik retteý azamattyq avıatsııa naryǵynyń damýyna kedergi keltiredi. Qazaqstan Respýblıkasynyń áýe tasymaldary naryǵyndaǵy baǵyttardyń kópshiliginde tasymaldardy birneshe tasymaldaýshylar oryndaıdy. Osyǵan baılanysty, tarıf belgileýdi retteýdi engizý básekelestikke teris áser etedi», - dedi ol.


Joǵary qaraı