Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aýǵan telejúrgizýshileri áıel áriptesterin qoldap, efırge maska taǵyp shyqty

2022 jyldyń 23 mamyr 2022 15:32

KABÝL. QazAqparat – «Talıban» qozǵalysy (Qazaqstanda jáne birqatar ózge memlekette tyıym salynǵan) teledıdarda qyzmet etetin áıelderge bet-álpetti jabýǵa mindetteıtin jarlyq shyǵarǵannan keıin, Aýǵanstannyń TOLOnews telearnasynyń júrgizýshi er adamdary áriptesterine qoldaý bildirip, efırge maska taǵyp shyqty. QazAqparat tilshisi bul týraly aýǵan telearnasyna silteme jasap habarlaıdy.

Aýǵanstanda teledıdar efırinde áıelderge hıdjab nemese nıkab kııýin mindetteıtin jarlyq shyqty. Onyń qoldanys merzimi 22 mamyrdan bastaldy.

Jańa erejeler barlyq buqaralyq aqparat quraldaryna qoldanylady.

Bul rette, TOLOnews telearnasynyń málimdeýinshe, «Islam ámirligi» basshylyǵynyń hıdjab kııý týraly jarlyǵynda teledıdar baǵdarlamalarynda júrgizýshi áıelderdiń betterin jabýyna qatysty naqty nusqaý joq.

«Bizge bul sheshimdi belgilengen merzimde oryndaý kerek dep aıtyldy jáne búgin biz ony oryndadyq. Biraq bizdiń dálelderimiz eki jaqty: birinshiden, «Islam ámirligi» basshylyǵynyń hıdjab kııý týraly jaqynda shyǵarǵan jarlyǵynda telebaǵdarlamalarda júrgizýshi áıelderdiń betin jabýy kerek degen naqty nusqaý bolǵan joq. Ekinshiden, teledıdardaǵy júrgizýshi áıelderdiń beıneleri vırtýaldy, áıelderdiń túrleri naqty kórsetilmeıdi, sondyqtan TOLOnews bul máselede óz ustanymyn ustanady», — dedi telearna dırektory Hpolvak Sapaı.


Basty sózder: Álem, Aýǵanstan, BAQ, Qoǵam, Din, Adam quqyǵy,
Joǵary qaraı