Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aýǵanstandaǵy sý tasqyny: 78 adam qaza taýyp, 32 adam iz-tússiz joǵalǵan

2021 jyldyń 8 mamyr 2021 18:18

NUR-SULTAN. QazAqparat – Aýǵanstanda sý tasqyny saldarynan qaza tapqandardyń sany kún saıyn artyp keledi, dep habarlaıdy QazAqparat tilshisi.

Nóser jaýyn saldarynan týyndaǵan sel aǵyny Gerat ólkesin shaıdy. Anadolu agenttigi osy jyldyń 4 mamyrynda sý tasqyny saldarynan 14 adamnyń jáne kóptegen jan-janýardyń ólgendigin habarlaǵan bolatyn.

Gerat ólkesi gýbernatorynyń baspasóz hatshysy Djeılanı Farhad sý tasqyny Obe aýdanyna da zııanyn tıgizgendigin aıtady.

«Kóptegen úıdi sý basyp qaldy. Aýdanda izdeý-qutqarý jumysy jalǵasyp jatyr», - dedi Djeılanı Farhad.

Al jergilikti Shamshad Radio teleradıokanalynyń aqparatyna qaraǵanda, qazirgi ýaqytta 78 adamnyń qaza tapqany belgili. Sonymen qatar 30 adam zardap shekse, taǵy 32 adam iz-tússiz joǵalǵan. Mundaı derekti teleradıokanal Twitter-degi resmı paraqshasynda keltiredi.


Perevod Marlan Jıembaı
Basty sózder: Álem, Sý tasqyny, Oqıǵa,
Joǵary qaraı