Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aýǵanstannyń ońtústiginde meshitte jarylys boldy

2021 jyldyń 15 qazan 2021 17:30

KABÝL. QazAqparat – Aýǵanstannyń ońtústigindegi Qandaǵar qalasynda juma namazy kezinde úlken jarylys boldy, dep habarlaıdy QazAqparat Reuters saıtyna silteme jasap.

15 qazan kúni Barga Imam sheıit meshitinde juma namazy kezinde úlken jarylys boldy.

Ortalyq aýrýhananyń aqparatyna sáıkes, jeti adam mert bolǵan, taǵy 13 adam jaraqattar alǵan. Osy arada BBC kem degende 16 adamnyń qaza taýyp, 32 adamnyń zardap shekkeni týraly málimdedi.

Qazirgi kezde jarylystyń sebebi belgisiz, alaıda ony jankeshti-lańkes jasady degen boljam bar.

Qazirgi kezde lańkestik toptardyń eshqaısysy jarylys úshin jaýapkershilikti moınyna almady.

Kýágerlerdiń aıtýynsha, úsh jarylys bolǵan – basty kirer esikte, ǵusyl alatyn jerde jáne meshittiń ishinde.

Kýágerlerdiń habarlaýynsha, oqıǵa kezinde meshitte adam kóp bolǵan. Ádette juma saıyn meshitke kelýshiler sany artady. Jarylystan keıin oqıǵa ornyna kem degende 15 jedel járdem kóligi jetken.

Sonymen qatar meshitke tálipterdiń arnaıy jasaǵy jiberildi. Olar jaǵdaıdy óz baqylaýyna alyp, adamdardan zardap shekkenderge kómek kórsetý úshin qan tapsyrýdy suraǵan.

Ótken juma kúni eldiń soltústigindegi Qundyz qalasyndaǵy sheıit meshitinde juma namazy kezinde jankeshti-lańkes shabýyl jasap, saldarynan 50 adam mert boldy. Ol kezde Islam memleketi lańkestik uıymynyń jergilikti bólimshesi jaýapkeshilikti óz moınyna alǵan bolatyn.


Basty sózder: Álem, Aýǵanstan,
Joǵary qaraı