Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Australian Open: Aleksandr Býblık chempıonatty jeńispen bastady

2022 jyldyń 17 qańtar 2022 12:18

NUR-SULTAN. QazAqparat – Qazaqstannyń birinshi, álemniń 35-raketkasy Aleksandr Býblık Aýstralııa ashyq chempıonatynyń ekinshi aınalymyna shyqty, dep habarlaıdy QazAqparat tilshisi.

Qazaqstandyq tennısshi bastapqy kezdesýin dúnıejúzilik reıtıngte 141-orynda turǵan amerıkalyq Ernesto Eskobedomen ótkizdi.

Bir qyzyǵy, amerıkalyq tennısshini irikteý saıystarynyń fınalynda Mıhaıl Kýkýshkın 6:4, 5:7, 7:5 esebimen utqan bolatyn.

Soǵan qaramastan, E.Eskobedo jarysty uıymdastyrýshylardan arnaıy shaqyrtý alyp, negizgi dodaǵa qosyldy.

A.Býblık 24-te bolsa, qarsylasy odan bir jasqa úlken edi.

Birinshi partııada amerıkalyq tennısshi chempıonatqa óziniń bos kelmegendigin baıqatty – 6:3.

Ekinshi sette taı-breıkte A.Býblık sheberlik tanytty – 7:6 (7:5). Úshinshisinde de qarsylasyna des bergen joq – 6:3.

Tórtinshi partııada qazaqstandyq tennısshi 3:0 esebimen alǵa ketti. Aqyry sol basymdylyǵyn saqtap qaldy – 6:3.

A.Býblık 2 saǵat 36 mınýtqa sozylǵan tartysty báseke barysynda 24 eıs jasap, 11 breık-poınttyń tórteýin óz esebine jazdy. Qarsylasy 3 eıs, 2 breıkten (9 breık-poınt) asa alǵan joq.

A.Býblıktiń ekinshi aınalymdaǵy qarsylasy myqty ári tájirıbeli. Álemniń 20-synshy, chempıonattyń 17-raketkasy, 35 jastaǵy frantsııalyq Gael Monfıs alǵashqy aınalymda reıtıngte 64-oryndaǵy argentınalyq Federıko Korıany 6:1, 6:1, 6:3 esebimen ońaı jeńdi.

Degenmen A.Býblık G.Monfısti kútpegen jerden 2020 jylǵy Frantsııa ashyq chempıonatynyń alǵashqy aınalymynda 6:4, 7:5, 3:6, 6:3 esebimen utyp ketken bolatyn.

Eske sala keteıik, budan buryn Elena Rybakınanyń álemdik reıtıngide rekordtyq kórsetkishke qol jetkizgenin, qazaqstandyq tennısshiniń Mysyrdaǵy jarystyń jeńimpazy atanǵanyn, Aýstralııa ashyq chempıonatynda alǵash ret toǵyz qazaqstandyq tennısshiniń óner kórsetetinin jazǵan bolatynbyz.

Sondaı-aq ıÝlııa Pýtıntseva alǵashqy aınalymnan asa almady.


Avtor Eljan Eraly
Basty sózder: Sport,
Joǵary qaraı