Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Australian Open: Aleksandr Býblık jarys jolynan shyǵyp qaldy

2022 jyldyń 19 qańtar 2022 19:24

NUR-SULTAN. QazAqparat - Qazaqstannyń 1-shi, álemniń 37-raketkasy Aleksandr Býblık Aýstralııa ashyq chempıonatynyń úshinshi aınalymyna shyǵa almady, dep habarlaıdy QazAqparat tilshisi.

A.Býblık ekinshi aınalymda álemniń 20-raketkasy, frantsııalyq Gael Monfıspen kezdesti.

Qazaqstandyq tennısshi qarsylasyn 2020 jylǵy Frantsııa ashyq chempıonatynda utqan bolatyn.

Bul joly alǵashqy eki partııada Býblıktiń oıyny júrmeı, jıi qatelesti - 1:6, 0:6.

Úshinshi sette qarsylasyp baqqanmen, jeńis Monfıstiń enshisinde ketti - 6:4.

Frantsııalyq sportshy úshinshi aınalymda álemniń 19-raketkasy, chılılik Krıstıan Garınmen sheberlik baıqasady.

G.Monfıs 1 saǵat 29 mınýtqa sozylǵan kezdesýde 11 eıs jasap, 15 breık-poınttyń beseýin paıdalana bildi. A.Býblık 4 eıspen ǵana shektelip, 4 breık-poınttan esh nátıje shyǵara almady.

Ol ótken jyly da Aýstralııa ashyq chempıonatynda ekinshi aınalymnan asa almaǵan edi.

Osylaısha atalmysh birinshilikte jekeleı synda Qazaqstannan Elena Rybakına ǵana qaldy.

Eske sala keteıik, budan buryn Aýstralııa ashyq chempıonatyn Anna Danılına sátti bastaǵanyn jazǵan bolatynbyz.


Avtor Eljan Eraly
Basty sózder: Qoǵam, Sport,
Joǵary qaraı